नवी मुंबईत पाकिस्तानचा झेंडा जाळणारे चार शिवसैनिक अटकेत

अमरनाथ हल्याच्या निषेधार्थ नवी मुंबईतील शिवसेना पदाधिकार्‍यांनी पाकिस्तानच्या झेंड्याची होळी केली होती Navi Mumbai Shivsena Officials arrested

नवी मुंबईत पाकिस्तानचा झेंडा जाळणारे चार शिवसैनिक अटकेत

नवी मुंबई : वाशीमध्ये पाकिस्तानचा झेंडा जाळलेल्या चौघा शिवसैनिकांना अटक करण्यात आली आहे. तीन वर्ष जुन्या प्रकरणात वाशी पोलिसांनी कारवाई केली. अमरनाथ यात्रेकरुंवर पाकिस्तानी दहशतवाद्यांनी केलेल्या भ्याड हल्ल्याच्या निषेधार्थ शिवसैनिकांनी 2017 मध्ये पाकिस्तानचा झेंडा जाळला होता. (Navi Mumbai Shivsena Officials arrested)

शिवसेना शहरप्रमुख विजय माने, उपशहर प्रमुख गणपत शेलार, संतोष मोरे, विभागप्रमुख समीर बागवान यांना आज (गुरुवार 5 मार्च) सकाळी नऊ वाजता राहत्या घरातून ताब्यात घेण्यात आलं.

जुलै 2017 मध्ये पाकिस्तानी दहशतवाद्यांनी अमरनाथ यात्रेकरुंच्या बसवर हल्ला केला होता. या घटनेचे देशभरात तीव्र पडसाद उमटले होते. या भ्याड हल्याच्या निषेधार्थ नवी मुंबईतील शिवसेना पदाधिकार्‍यांनी पाकिस्तानच्या झेंड्याची होळी केली होती. 11 जुलै 2017 रोजी पाकिस्तानचा निषेध करत त्यांच्या झेंड्याची वाशीतील शिवाजी चौकात होळी करण्यात आली होती.

आजची ट्रेण्डिंग बातमी वाचा‘मराठी मालिकांमध्ये ब्राह्मण अभिनेत्रीच का?’ सुजय डहाकेच्या प्रश्नाचा मालिका विश्वातून समाचार

वाशी पोलिस ठाण्यात त्यावेळी शिवसेना पदाधिकाऱ्यावर गुन्हा दाखल करण्यात आला होता. त्यानंतर तब्बल पाच महिन्यानंतर या सर्व शिवसेना पदाधिकार्‍यांना अटकही झाली होती. मात्र न्यायालयात हजर केल्यानंतर त्यांची जामिनावर मुक्तता झाली होती. आता पुन्हा शिवसैनिकांना बेड्या ठोकण्यात आल्या आहेत. (Navi Mumbai Shivsena Officials arrested)

Click on your DTH Provider to Add TV9 MARATHI