Pankaja Munde : पंकजा मुंडे यांना ओमिक्रॉनची लागण; ताई काळजी घ्या, धनंजय मुंडे यांचा मेसेज

मुंबई : भाजप नेत्या आणि राष्ट्रीय सरचिटणीस पंकजा मुंडे (Pankaja Munde) यांना ओमिक्रॉन (Omicron) संसर्ग झाल्याची माहिती समोर आली आहे. पंकजा मुंडे यांनी 1 जानेवारीला कोरोना संसर्ग झाल्याची माहिती ट्विट करुन दिली होती. पंकजा मुंडे कोरोनाची लागण झाल्यानंतर संपर्कात आलेल्या सर्वांनी चाचणी करुन घ्यावी आणि काळजी घेण्याचं आवाहन पंकजा मुंडे यांनी केलं होतं. पंकजा मुंडे या सध्या मुंबईतील निवासस्थानी क्वारंटाईन आहेत. त्यामुळे काळजीचं कारण नसल्याचं सांगण्यात आलं आहे.

पंकजा मुंडे यांना दुसऱ्यांदा कोरोना संसर्ग

पंकजा मुंडे यांना यापूर्वी देखील कोरोना विषाणू संसर्ग झाला होता. पंकजा मुंडे या दुसऱ्यांदा कोरोना पॉझिटिव्ह ( आल्या आहेत. यापूर्वी एप्रिल 2021 मध्ये पंकजा मुंडे या कोरोना पॉझिटिव्ह आल्या होत्या.

Corona बाधीत लोकांच्या संपर्कात आल्याचे जाणवल्या बरोबर मी विलग झाले आहे.. चाचणी केली…लक्षणं आणि Corona दोन्ही आहे… सर्वानी काळजी घ्यावी..

— Pankaja Gopinath Munde (@Pankajamunde) January 1, 2022

धनंजय मुंडे यांचं पंकजा मुंडे यांना काळजी घेण्याचं आवाहन

सामाजिक न्याय मंत्री धनंजय मुंडे यांनी बहिण पंकजा मुंडे यांना काळजी घेण्याचं आवाहन केलं आहे. दुसऱ्यांदा कोरोना झाल्यानंतर पोस्ट कोविडची काळजी फार महत्त्वाची असून नंतर खूप त्रास होतो. मी त्यांना फोन करु नाही शकलो मात्र काळजी घेतली पाहिजे असं मेसेजद्वारे पंकजाताईंना सांगितल्याचं धनंजय मुंडे यांनी म्हटलं.

रोहित पवार यांना देखील कोरोना

राष्ट्रवादी काँग्रेसचे कर्जत जामखेडचे आमदार रोहित पवार यांना देखील कोरोना संसर्ग झाला आहे. रोहित पवार यांनी ट्विट करुन यासंदर्भातील माहिती दिली आहे. रोहित पवार यांनी त्यांच्या संपर्कात आलेल्यांनी टेस्ट करून घ्यावी आणि काही लक्षणे असल्यास तातडीने उपचार घ्यावेत, असं आवाहन केलं आहे.

महाराष्ट्रातील ओमिक्रॉन बाधितांची संख्या 578 वर

महाराष्ट्रात कोरोना आणि ओमिक्रॉन वेरियंटचे रुग्ण वाढत असल्याचं समोर आलं आहे. महाराष्ट्रातील ओमिक्रॉन बाधितांची संख्या 578 वर पोहोचली आहे. सकाळपर्यंतच्या माहितीनुसार 259 रुग्ण ओमिक्रॉन संसर्गातून बरे झाले आहेत. राज्यात 3 जानेवारीला ओमिक्रॉनचे 68 रुग्ण आढळले आहेत. मुंबई-40, पुणे-14 नागपूर- 4, पुणे ग्रामीण ,पनवेल प्रत्येकी 3 तर कोल्हापूर, नवी मुंबई, सातारा ,रायगड 1 रुग्ण, ही आजची आकडेवारी आहे. राज्यात आतापर्यंत 578 रुग्णांची नोंद झाली आहे. त्यापैकी 259 जणांना डिस्चार्ज मिळाला आहे.

इतर बातम्या:

Varun Sardesai | युवासेनेचे सचिव वरुण सरदेसाई यांना कोरोनाची लागण

नारायण राणेंसारख्या नेत्याला मी खपवतो, खासदारांनी माझ्या नादी लागू नये, गुलाबराव पाटलांचं उन्मेष पाटील यांना प्रत्युत्तर

Pankaja Munde infected by omicron variant of corona virus