धारावीत किक मारली, थेट बाईकने बोईसरला, बाईकस्वाराला सर्दी- खोकल्याने प्रशासनाची धाकधूक
धारावीतील एक व्यक्ती मोटारसायकलने बोईसरला पोहचला. मात्र, त्याला कोरोना संसर्गाची लक्षणं दिसल्याने आरोग्य यंत्रणेची चांगलीच धाकधूक वाढली आहे (Dharavi person travel to Boisar become Corona Suspect).
पालघर : राज्यात कोरोना विषाणूच्या संसर्गाचं प्रमाण दिवसेंदिवस वाढत आहे. त्यातच मुंबई हा देशातील कोरोना रुग्णांचा हॉटस्पॉट बनला आहे. अशातच धारावीसारख्या प्रचंड लोकसंख्या घनता असलेल्या झोपडपट्टीभागातही कोरोनाने शिरकाव केला आहे. अशा स्थितीत धारावीतील एक व्यक्ती मोटारसायकलने बोईसरला पोहचला. मात्र, त्याला कोरोना संसर्गाची लक्षणं दिसल्याने आरोग्य यंत्रणेची चांगलीच धाकधूक वाढली आहे (Dharavi person travel to Boisar become Corona Suspect).
संबंधित व्यक्ती मोटरसायकलने धारावीतून बोईसरला गेला. तेथे गेल्यावर त्याला सर्दी आणि कफ असल्याचं लक्षात आलं. यानंतर त्याला बोइसर येथील एका खासगी डॉक्टरांकडे उपचारासाठी नेण्यात आलं. यानंतर हे प्रकरण समोर आलं आहे. खासगी डॉक्टारांनी रुग्णाच्या लक्षणांची आणि तब्येतीची पूर्ण माहिती जिल्हा आरोग्य प्रशासनाला दिली आहे. या व्यक्तीला पालघर ग्रामीण रुग्णालयात दाखल करण्यात आले आहे. जिल्हा आरोग्य यंत्रणेने संबंधित व्यक्तीचे नमुने कोरोना चाचणीसाठी पाठवले आहेत. चाचणीच्या अहवालानंतरच रुग्णाची स्थिती स्पष्ट होणार आहे.
संबंधित धारावीतील व्यक्ती नाकाबंदी चुकवून बोईसरमध्ये आल्याने परिसरात चिंतेचं वातावरण आहे. मात्र, तालुका वैद्यकीय अधिकारी यांनी या व्यक्तीला कोरोनाची लक्षणे नसून फक्त खोकला असल्याचा खुलासा केला आहे. तसेच खबरदारी म्हणून त्याचे नमुने तपासणीसाठी प्रयोगशाळेत पाठविले आहेत, असं सांगितलं.
दरम्यान, धारावीत कोरोनाचा प्रसार वाढत आहे. त्यात धारावीतील व्यक्ती बाईसर भागात आल्याने चिंता वाढली आहे. धारावी झोपडपट्टी भागात कोरोनाचे 7 कोरोना रुग्ण आढळले आहेत. त्यामुळे लोकसंख्येची सर्वाधिक घनता असलेल्या या ठिकाणी कोरोना संसर्गाचा धोका प्रचंड वाढला आहे. याच पार्श्वभूमीवर राज्याचे आरोग्य मंत्री राजेश टोपे यांनीही मंगळवारी (7 एप्रिलला) धारवीला भेट दिली आहे. त्यांनी याभागात सुरु असलेल्या सर्वेक्षण कामाचा आणि क्वारंटाईन सुविधांचा आढावा घेतला. यावेळी शिक्षण मंत्री वर्षा गायकवाड देखील त्यांच्यासोबत उपस्थित होत्या.
राजेश टोपे यांनी धारावी भागातील कोरोना उपचारासाठीच्या हॉस्पीटलला भेट देऊन व्हेंटिलेटर्सची संख्या वाढवण्याच्या सूचना महापालिका प्रशासनाला दिल्या. क्वारंटाईनच्या सुविधेचीही त्यांनी पाहणी केली. टोपे यांनी धारावीमध्ये विलगीकरणाची (क्वारंटाईन) सुविधा असलेल्या राजीव गांधी स्पोर्टस् कॉम्प्लेक्सलाही भेट दिली. संसर्ग रोखण्यासाठी गर्दीवर नियंत्रण आणण्यासाठी अधिक कडक अमंलबजावणी करण्याचे निर्देशही त्यांनी या विभागाच्या पोलिस अधिकाऱ्यांना दिले.
धारावी भागात 50 खाटांचे साई हॉस्पिटल केवळ कोरोना उपचारासाठी घोषित केले आहे. तेथे व्हेंटिलेटर्सची संख्या वाढवण्याचे निर्देश आरोग्यमंत्र्यांनी यावेळी दिले. राजीव गांधी स्पोर्टस् कॉम्प्लेक्समध्ये 350 खाटांची विलगीकरणाची व्यवस्था करण्यात आली आहे. या भागात 3500 जणांना होम क्वारंटाईन करण्यात आले आहे. अनेक संस्था, दानशूर व्यक्तींकडून याभागात धान्य, गरजेच्या वस्तूंचे वाटप केले जात आहे. संसर्गाचा धोका वाढू नये यासाठी त्यांनी गर्दी होणार नाही याची दक्षता घेतानाच नियमांच्या कडक अमंलबजावणीचे निर्देश दिले. या भागात असलेल्या सार्वजनिक स्वचछतागृहांमध्ये सातत्याने निर्जंतुकरणाची प्रक्रिया राबवावी अशा सूचनाही त्यांनी महापालिकेच्या अधिकाऱ्यांना केल्या.
कोरोना संसर्गाची अद्ययावत माहिती:
| जिल्हा | रुग्ण | बरे | मृत्यू |
|---|---|---|---|
| मुंबई | 343962 | 318995 | 11535 |
| पुणे | 439562 | 405696 | 8144 |
| ठाणे | 293052 | 274816 | 5873 |
| पालघर | 49872 | 47852 | 939 |
| रायगड | 72974 | 69761 | 1613 |
| रत्नागिरी | 12336 | 11646 | 425 |
| सिंधुदुर्ग | 6777 | 6359 | 180 |
| सातारा | 60722 | 57120 | 1858 |
| सांगली | 51829 | 49294 | 1800 |
| नाशिक | 137449 | 128167 | 2093 |
| अहमदनगर | 79880 | 76380 | 1171 |
| धुळे | 18870 | 16902 | 337 |
| जळगाव | 69604 | 63098 | 1542 |
| नंदूरबार | 11448 | 10157 | 229 |
| सोलापूर | 59754 | 56379 | 1859 |
| कोल्हापूर | 50144 | 48056 | 1684 |
| औरंगाबाद | 59429 | 50987 | 1289 |
| जालना | 16713 | 15779 | 394 |
| हिंगोली | 5342 | 4497 | 100 |
| परभणी | 9332 | 7943 | 313 |
| लातूर | 26927 | 25245 | 716 |
| उस्मानाबाद | 18533 | 17413 | 576 |
| बीड | 20796 | 18513 | 577 |
| नांदेड | 26170 | 22710 | 692 |
| अकोला | 20302 | 16111 | 404 |
| अमरावती | 43318 | 38752 | 567 |
| यवतमाळ | 21989 | 18875 | 497 |
| बुलडाणा | 20865 | 17605 | 270 |
| वाशिम | 11352 | 10120 | 169 |
| नागपूर | 173547 | 152959 | 3584 |
| वर्धा | 16143 | 14254 | 325 |
| भंडारा | 14604 | 13711 | 315 |
| गोंदिया | 14858 | 14440 | 175 |
| चंद्रपूर | 25987 | 24485 | 422 |
| गडचिरोली | 9325 | 8994 | 103 |
| इतर राज्ये (महाराष्ट्रात उपचार सुरु) | 146 | 0 | 91 |
| एकूण | 2314413 | 2134072 | 52861 |
संबंधित बातम्या :
बीडमध्ये कोरोनाचा शिरकाव, मुंबई, पुण्यासह राज्यात कुठे किती नवे रुग्ण?
मुख्यमंत्र्यांनी घोषणा केलेली ‘फिव्हर क्लिनिक’ संकल्पना नेमकी काय?
Corona : ‘मद्यपान केल्याने कोरोना होत नाही’, अफवेने इराणमधील 600 जणांचा मृत्यू, 3000 जण रुग्णालयात
Dharavi person travel to Boisar become Corona Suspect
