चालक म्हणून कामाला लागला, महिन्याभरात मालकानं त्याच्यावर विश्वास टाकला; पण, तो इतक्या लाखांची रोकड घेऊन पळाला

मुंबई : मुंबईतील कांदिवली येथे ३५ लाखांची रोकड घेऊन पळून गेलेल्या व्यावसायिकाच्या (Professional) नोकराला कल्याण येथून पोलिसांनी (Police) अटक केली आहे. बोरिवली येथे राहणाऱ्या हेमंत अरुण मेहता नावाच्या व्यावसायिकाने 6 जानेवारी रोजी आपल्या नोकराला अंगडियान येथून गुजरातला पाठवण्यासाठी 35 लाखांची रोकड दिली. आरोपीसह व्यावसायिकाचा आणखी एक जुना नोकर होता. हे दोघेही पैसे घेऊन कांदिवली पश्चिम येथील लालजी पाडा येथील साई धाम कॉम्प्लेक्समध्ये पोहोचले असता सुरक्षा रक्षकाने त्यांना अडवून डायरीत नावे टाकण्यास सांगितले.

डायरीत नाव टाकण्यासाठी व्यावसायिकाचा जुना नोकर दुचाकीवरून खाली उतरताच नवीन नोकर 35 लाखांची रोकड भरलेली बॅग घेऊन पळून गेला. घटनेची माहिती मिळताच कांदिवली पोलिसांनी आरोपीचा शोध सुरू केला. आरोपीला कल्याण येथून अटक करून त्याच्याकडून 27 लाखांची रोकड जप्त केली आहे.

पंकज सिंग असे अटक करण्यात आलेल्या आरोपीचे नाव आहे. त्याचे वय ३० वर्षे आहे. सुमारे एक महिन्यापूर्वी तो व्यावसायिकाकडे ड्रायव्हर म्हणून नोकरीला होता.

पोलिसांनी सांगितले की, पैसे घेऊन आरोपी मुंबईलाहून बसने कल्याण गेला. कल्याणहून उज्जैनला ट्रेन पकडणार होता. त्यानंतर तो यूपीला पळून जाणार होता.

मात्र कांदिवली पोलिसांच्या पथकाने जोरदार कारवाई करत आरोपीला महाराष्ट्राबाहेर जाण्यापूर्वीच पकडले आहे. अशी माहिती कांदिवलीचे वरिष्ठ पोलीस निरीक्षक दिनकर जाधव यांनी दिली.

मालकाचा विश्वास संपादन केला. मालकानं चालकाला सुमारे ३५ लाख रुपयांची रोकड सोपविली. पण, त्याची नियत त्या रकमेवर गेली. त्यामुळं त्यानं रक्कम घेऊन पळ काढण्याचा प्रयत्न केला. पण, पोलिसांनी त्याला बेड्या ठोकल्या.