VIDEO | तौक्ते चक्रीवादळाचा कहर, मुंबईत झाड कोसळताना महिला धावली आणि…

विक्रोळी पार्क साईट पोलीस ठाण्यासमोरुन सूर्यनगरकडे जाणाऱ्या रस्त्यावर पोलीस ठाण्याच्या बाजूचे भले मोठे झाड कोसळले ( Taukte Cyclone Vikroli Tree fells)

तौक्ते वादळाच्या तडाख्याने विक्रोळीत झाड पडले

Anish Bendre | Updated on: May 18, 2021 | 10:29 AM

मुंबई : तौक्ते चक्रीवादळामुळे मुंबईसह महाराष्ट्रात अनेक ठिकाणी झाडांची मोठी पडझड झाली आहे. यात घरं, दुकानं, गाड्या यांचे मोठे नुकसान झाले असून काही ठिकाणी नागरिक जखमी देखील झाले आहेत. विक्रोळीत झाड पडून झालेल्या दुर्घटनेतून एक महिला सुदैवाने बचावली. हा घटनेचे सीसीटीव्ही फूटेज समोर आले आहे. (Taukte Cyclone Video Vikroli Park Site Tree fells Lady saved Miraculously CCTV Video)

विक्रोळी पार्क साईट परिसरात झाड कोसळले

तौक्ते चक्रीवादळामुळे मुंबईत कालच्या दिवसात वादळी वाऱ्यांसह मुसळधार पाऊस झाला. जोरदार वाऱ्यांमुळे अनेक झाडं किंवा झाडांच्या मोठमोठ्या फांद्या तुटून पडल्या. यामध्ये काही जणांना प्राण गमवावे लागले, तर कोणाला गंभीर दुखापत झाली आहे. विक्रोळी पार्क साईट पोलीस ठाण्यासमोर झाड कोसळले. या घटनेचे सीसीटीव्ही फूटेज समोर आल्यामुळे एक महिला अगदी थोडक्यात वाचल्याचं समोर आलं.

रस्त्याने महिला जाताना वृक्ष उन्मळला

विक्रोळी पार्क साईट पोलीस ठाण्यासमोरुन सूर्यनगरकडे जाणाऱ्या रस्त्यावर पोलीस ठाण्याच्या बाजूचे भले मोठे झाड कोसळले होते. या वेळी या झाडाखालून काही पादचारी जाताना दिसत आहेत. यात एक महिला अगदी झाड कोसळत असताना त्याच्या खाली आली होती, परंतु मोठा आवाज झाल्याने ती धावत गेली आणि तिचे प्राण वाचले आहेत.

जीवितहानी टळल्याने दिलासा

हे झाड कोसळून पोलिसांच्या गाडीसह आजूबाजूचे नुकसान झाले आहे. मात्र सुदैवाने जीवितहानी टळली आहे. ही सगळी घटना इथल्या सीसीटीव्हीमध्ये कैद झाली आहे. (Taukte Cyclone Vikroli Tree fells)

पाहा व्हिडीओ :