Video : Tv9 स्पेशल रिपोर्ट | राजकारणाच्या दोन बाजू, सभागृहात एकमेकांवर तुटून पडणाऱ्या नेत्यांचा रंगला गप्पांचा ‘फड’

मुंबई : सभागृहात अनेक मुद्द्यांवरुन वाद होत असले, तरी सभागृहाबाहेर सत्ताधारी आणि विरोधकांमध्ये रंगत असलेला संवाद चर्चेत आहे. या संवादांमध्ये आदित्य ठाकरेंच्या एका मताशी भाजपचे प्रवीण दरेकर सहमत होतायत. तर शिंदे गटाचे संजय शिरसाट आणि ठाकरे गटाचे भास्कर जाधवांमध्ये गप्पाही रंगतायत.

सभागृहात भलेही आरोप-प्रत्यारोपांच्या फैरी झडत असोत. सत्ताधाऱ्यांकडून बोलू दिलं जात नाही, किंवा विरोधकांकडून सभागृह चालू दिलं जात नसल्याचे आरोप होत असोत. पण सभागृहाबाहेर मात्र खेळीमेळीचं वातावरण आहे.

कुठे अजित पवार चेष्ठेनं शंभुराज देसाईंना धक्का देतायत. कुठे विरोधकांमधले अजितदादा आणि सत्ताधाऱ्यांमधल्या चंद्रकांतदादांचं कुठे आदित्य ठाकरे आणि भाजपच्या प्रवीण दरेकरांमध्ये संवाद रंगलाय. तर कुठे भास्कर जाधव आणि शंभुराज देसाई गप्पा करतायत.

अजित पवारांनी उत्तरं देण्यावरुन सभागृहात शंभुराज देसाईंवर अनेकदा टीका केली. मात्र एकत्रति फोटोसेशनवेळी मस्करीत देसाईंना धक्का दिला आणि हा व्हिडीओ सोशल मीडियात चर्चेत राहिला. याआधीही जेव्हा उद्धव ठाकरे बोलायला आले. तेव्हा अजित पवारांनी मारलेला डोळ्यानं अनेक तर्क-वितर्क लढवले गेले. पण पत्रकार मुलाखतीसाठी उभे होते., त्यांना थांब असं म्हणायच्याऐवजी डोळा मारला गेलं., असं कारण अजित पवारांनी दिलं होतं.

दुसरीकडे आदित्य ठाकरे आणि भाजपच्या दरेकरांमध्ये कोणत्या तरी विषयावरुन संवाद सुरु होता. विशेष म्हणजे या चर्चेत आदित्य ठाकरेंच्या मताशी दरेकर सहमतही दिसले. सभागृहात ठाकरे गटाचे भास्कर जाधव आणि शिंदे गटाचे शंभुराज देसाईं अनेकदा आमने-सामने येत असले तरी सभागृहाबाहेर त्यांच्यातही मनसोक्त गप्पा रंगल्या होत्या.