वडिलांसोबत मुलगी रेल्वे स्थानकावर तिकीट काढण्यासाठी आली, नियतीच्या मनात काहीतरी वेगळेच होते

सुनील ढगे, प्रतिनिधी, टीव्ही 9 मराठी, नागपूर : वडील कुठं थोड्या वेळासाठी बाहेर जात असतील तर ते बहुधा लहान मुलांना सोबत घेऊन जातात. एक वडील मुलीला घेऊन नागपूर रेल्वे स्थानकावर गेले. तिथं ते तिकीट खरेदी करत होते. तेवढ्यात सोबत असलेली मुलगी त्यांना दिसली नाही. त्यामुळे वडिलांना धक्काच बसला. आताच सोबत होती. मुलगी गेली कुठं म्हणून त्यांनी शोधाशोध सुरू केली. रेल्वे पोलिसांना कळवलं. रेल्वे पोलिसांनी सीसीटीव्ही तपासला. त्यानंतर त्यांना एक आरोपी मुलीला घेऊन जात असल्याचं लक्षात आलं. रेल्वे पोलिसांना मुलीचा शोध सुरू केला.

चोरट्याने मुलीला सोबत घेऊन काढला पळ

नागपूरच्या इतवारी रेल्वे स्थानकावर वडिलांसोबत तिकीट काढायला आलेल्या लहान मुलीचं अपहरण करण्यात आले. वडिलांची नजर चुकवून चोरट्याने मुलीला सोबत घेऊन पळ काढला. वडिलाच्या बाजूला मुलगी नसल्याचं लक्षात येताच शोधाशोध सुरू झाली. रेल्वे पोलिसांना माहिती मिळताच त्यांनी सीसीटीव्हीचा आधार घेत शोध सुरू केला.

आरोपी मुलीला घेऊन बाहेर राज्यात जाण्याच्या तयारीत

आरोपी मुख्य रेल्वे स्थानकावर गेल्याची माहिती मिळताच रेल्वे पोलिसांनी मुख्यस्थांनकवर शोध सुरू केला. एक आरोपी मुलीला घेऊन येत असल्याचं त्यांच्या निदर्शनास येताच आरोपीला अटक केली. आरोपी बाहेर राज्यात पळून जाण्याच्या तयारीत होता. मुलीला वडिलांच्या स्वाधीन करण्यात आलं. त्यानंतर सगळ्यांनी सुटकेचा निःस्वास सोडला.

लहान मुलांची घ्या काळजी

लहान मुलांना कुठंही बाहेर घेऊन जात असाल, तर त्यांच्यावर लक्ष ठेवणे गरजेचे आहे. कोण कशाचं आमिष देऊन मुलांना सोबत घेऊन जाईल काही सांगता येत नाही. समाजात काही समाजकंटक असतात. अशा समाजकंटकांपासून सावध राहणे गरजेचे आहे. लहान मुलांना आमिष दाखवल्यास ते बळी पडतात. त्यामुळे लहान मुलांची काळजी घेणे गरजेचे आहे. उन्हाचे दिवस असल्याने दुपारी शक्यतो लहान मुलांना घराबाहेर घेऊन जाऊ नये. लहान मुलं हट्ट करत असतात. अशावेळी त्यांना समजावून सांगणे गरजेचे आहे.