कोरोनाचा तांडव सुरुच, नाशिकमध्ये 3 महिन्याच्या बाळाचा कोरोनामुळे मृत्यू

नाशिक : कोरोनाचा धोका अद्यापही कमी झालेला नाही याचं एक धक्कादायक उदाहरम समोर आलं आहे. सूत्रांनी दिलेल्या माहितीनुसार, कोरोनामुळे एका तीन महिन्याच्या बाळाचा मृत्यू झाला आहे. एका आठवड्यापासून खाजगी रुग्णालयात बाळावर उपचार सुरू होते. पण अखेर आज चिमुकल्याची मृत्यूशी झुंज संपली. या घटनेमुळे संपूर्ण परिसरात खळबळ उडाली असून परिसरामध्ये कोरोनाची भीती आणखी वाढली आहे. (a 3 months child died in nashik because of corona)

मिळालेल्या माहितीनुसार, मृत चिमुकल्याला इतरही आजार होते. त्यात त्याला कोरोनाची लागण झाल्याने गेल्या आठवड्याभरापासून त्याच्यावर खासगी रुग्णालयात उपचार सुरू होते. पण अखेर रात्रीच्या सुमारास त्याचं दु:खद निधन झालं. या घटनेमुळे चिमुकल्याच्या कुटुंबावर दु:खाचा डोंगर कोसळला असून संपूर्ण नाशिकमध्ये शोककळा पसरली आहे.

खरंतर, कोरोनाचा धोका कमी झाला आणि रुग्ण संख्याही कमी झाली असं समजून अनेकजण नियमांचं उल्लंघन करताना दिसतात. पण या घटनेमुळे या जीवघेण्या संसर्गाचा धोका अद्याप कायम असल्याचं पुन्हा एकदा समोर आलं आहे. सूत्रांनी दिलेल्या माहितीनुसार, गेल्या काही दिवसांमध्ये कोरोना रुग्णांची संख्या कमी झाल्याचं समोर आलं होतं. पण गेल्या आठवड्याभरात पुन्हा पॉझिटिव्ह रुग्णसंख्या वाढत आहे.

कोरोना बाधितांची संख्या वाढत असल्याने प्रशासनाचीही धाकधूक वाढली आहे. एकीकडे कोरोना आणि दुसरीकडे कोरोनाचा नवा जीवघेणा प्रकार समोर आल्याने नाशिक पालिकेने आजपासून नाईट कर्फ्यू सुरू केला आहे. त्यामुळे नागरिकांमध्ये भीतीचं प्रमाण आणखी वाढलं आहे. (a 3 months child died in nashik because of corona)

इतर बातम्या –

भारतीयांसाठी Good News, ब्रिटीश निर्मित कोरोना लसीला भारतात पहिल्यांदा मिळणार मंजुरी

New Corona Strain : ब्रिटनहून आलेले 20 जण कोरोना पॉझिटिव्ह, प्रवाशांवर सरकारची नजर

video | Special Report | Corona strain | कोरोना स्ट्रेनला जग का घाबरतंय?https://t.co/03tl4IfvvQ#CoronavirusStrain

— TV9 Marathi (@TV9Marathi) December 22, 2020

(a 3 months child died in nashik because of corona)