कसबा पेठ पोटनिवडणुकीसाठी उमेदवार निश्चित होईना; उमेदवारीवरून खलबतं सुरूचं, पुण्यात चाललंय काय?

अजित पवार, नाना पटोले

पुणे : कसबा पेठ पोटनिवडणुकीसाठी अद्यापही महाविकास आघाडी (Mahavikas Aghadi) आणि भाजपचा (BJP) उमेदवार निश्चित होईना. तिकडे राष्ट्रवादी आणि काँग्रेस यांच्यात उमेदवारीवरून खलबते सुरू आहेत. अर्ज दाखल करण्यास सुरुवात झालेली असताना अद्याप उमेदवार ठरेना. दुसरीकडे उमेदवारी जरी जाहीर झाली नसली तरी दावेदार उमेदवारांनी अर्ज विकत आणलेत. त्यामुळं कुणाला अधिकृत उमेदवारी मिळते, कोण अपक्ष अर्ज दाखल करून माघार घेते, हे येणारी वेळचं सांगेल. पण, उमेदवार आतापासूनच तयारीला लागले आहेत. अजून उमेदवारी दाखल करण्यासाठी पाच दिवस बाकी आहेत.

कसबा पेठ आणि चिंचवड पोटनिवडणूक दिवसागणिक चुरशीची होत आहे. उमेदवारी अर्ज दाखल करण्यासाठी अवघे पाच दिवस बाकी असताना देखील उमेदवार निश्चित होईना. त्यामुळे इच्छुकांमध्ये धाकधूक वाढलीय. काँग्रेस आणि राष्ट्रवादीने बैठका घेऊन इच्छुकांची मत जाणून घेतली आहेत. कसबा आणि चिंचवडच्या जागेवरून महाविकास आघाडीत संभ्रम निर्माण झाल्याचं दिसतंय.

यांनी विकत घेतले अर्ज

दुसरीकडे उमेदवारी घोषित होण्याआधीच चिंचवडमधून लक्ष्मण जगताप यांच्या पत्नीने आणि राष्ट्रवादीच्या नाना काटे यांनी उमेदवारी अर्ज खरेदी केले. कसब्यातून शैलेश टिळक यांनी उमेदवारी अर्ज विकत घेतल्याने चर्चांना उधाण आले आहे.

उमेदवारी घोषित केव्हा होणार?

पुढील दोन दिवसात महाविकास आघाडी आणि भाजपचा उमेदवार घोषित होण्याची शक्यता आहे. उमेदवारी घोषित झाल्यानंतर खऱ्या अर्थाने रंगत येणार आहे. सध्यातरी उमेदवारी अर्ज आणून पक्षाची तिकीट मिळविण्याचा प्रयत्न इच्छुक उमेदवार करताना दिसून येत आहेत.

कालच सर्व पक्षांचे उभेच्छुक एका कट्यावर आले होते. त्यांनी एकत्र बसून चर्चा केली. पण, कोणत्याही महत्त्वाच्या पक्षाने अद्याप अधिकृत उमेदवारी घोषित केली नाही. त्यामुळं उभेच्छुक उमेदवारांची धाकधूक वाढत आहे. आधीपासून तयारी हवी म्हणून काही जणांनी उमेदवारी अर्ज आणून ठेवली आहेत. ज्या उमेदवाराला अधिकृत एबी फार्म मिळेल, तोच पक्षाचा अधिकृत उमेदवार होईल.