वाढदिवसाच्या दिवशी विश्वासघात ! जंगलात नेऊन बलात्कार, प्रियकराने असं का केलं? तरुणीला हुंदका

काही तरुणांना प्रेमाचा खरंच अर्थ गवसलेला नाही (Youth raped girlfriend and share offensive photos and videos)

वाढदिवसाच्या दिवशी विश्वासघात ! जंगलात नेऊन बलात्कार, प्रियकराने असं का केलं? तरुणीला हुंदका
प्रातिनिधिक फोटो

चंद्रपूर : काही तरुणांना प्रेमाचा खरंच अर्थ गवसलेला नाही. प्रेमात फार मोठा त्याग असतो, एकमेकांची काळजी घेणं असतं, एकमेकांना समजून घेणं असतं. तसेच भांडण झाल्यावर तात्पुरता रुसवा फुगवा असतो. उलट अशा भांडणांमुळे दुरावा येतो. या दुराव्यामुळे एकमेकांची किंमत कळते. त्यानंतर दोघे मनाने आणखी जवळ येतात. त्यांच्यातील प्रेम आणखी जास्त घट्ट होतं. मात्र, काही तरुण प्रेमातही विकृत कृत्य करतात. आपल्या जवळच्या व्यक्तीसोबत, जोडीदारासोबत किळसवाणं कृत्य करतात. याचं ताजं उदाहरण म्हणजे चंद्रपूर जिल्ह्यात एका तरुणाने आपल्या प्रेयसीसोबत केलेलं घृणास्पद कृत्य. या घटनेमुळे चंद्रपूर जिल्हा हादरला आहे. तरुण आपल्या प्रेयसीसोबत इतकं खालच्या दर्जाचं आणि निघृणपणे वागूच कसा शकतो? असा प्रश्न स्थानिकांनी उपस्थित केलाय (Youth raped girlfriend and share offensive photos and videos).

नेमकं प्रकरण काय?

संबंधित घटना ही चंद्रपूर जिल्ह्यातील बल्लारपूर शहरात घडली आहे. शहरात वास्तव्यास असलेल्या सन्मुखसिंग बुंदेल या तरुणाने आपल्या प्रेयसीसोबत किळसवाणं आणि संतापजनक कृत्य केलं आहे. आरोपी सन्मुखसिंग बुंदेल याने प्रेयसीला वाढदिवसाचं गिफ्ट देतो सांगून शहरालगत असलेल्या कारवा जंगलात नेलं. त्यानंतर नराधमाने तिच्यावर तिथे बलत्कार केला. आरोपी एवढ्यावरच थांबला नाही. तर त्याने या सर्व कृत्याचा व्हिडीओ बनवला. त्यानंतर त्याने फेसबुकवर एक फेक आयडी बनवून बलात्काराचे फोटो, व्हिडीओ शेअर केले. या संतापजनक कृत्यामुळे शहरात एकच खळबळ उडाली आहे.

आरोपीने असं का केलं?

आरोपी सन्मुखसिंग पीडित मुलीला सतत जातीवरुन अपमानास्पद बोलायचा. पीडितेला वाईट वाटेल असे शब्द उच्चारायचा. त्यामुळे तिने आरोपीला लग्नाला नकार दिला होता. याच नकाराच्या रागात आरोपीने पीडितेवर सूड उगवण्याच्या हेतून संबंधित कृत्य केलं. संबंधित घटना ही शुक्रवारी (4 जून) घडली.

पीडितेची पोलिसात तक्रार

संबंधित प्रकाराचे व्हिडीओ आणि फोटो शेअर झाल्यानंतर पीडितेला याबाबत माहिती मिळाली. पीडितेने थेट पोलिसात तक्रार केली. पीडितेच्या तक्रारीवरुन सायबर पोलिसांनी तपास करत पुरावे गोळा केले. त्यानंतर पोलिसांनी आरोपीस बेड्या ठोकल्या (Youth raped girlfriend and share offensive photos and videos).

हेही वाचा : ’55 लाख रुपये द्या, अन्यथा बँक उडवून देईन’, वर्ध्यात सुसाईड बॉम्बरची धमकी देऊन पैशांची मागणी