बिबेवाडी परिसरात MNG लाईनला मोठी आग ; पण नगरसेविकेच्या सतर्कतेमुळे अनर्थ टाळला
रात्रीच्या सुमारास मोठा आवाज होत अचानकपणे आगीचा भडका उडाला. या आवाजाने परिसरातील नागरिक जागे झाले. घटनेच्या जवळच्या बिल्डिंगमध्ये राहणाऱ्या नगरसेविका यांनी सर्तकता दाखवत स्थानिक नागरिकांना घटनास्थळापासून सुरक्षित ठिकाणी नेले. अग्नीशामक दलाला याची माहिती देत आग विझवण्यात आली.
पुणे – शहरातील बिबेवाडी परिसरात जेसीबीमुळे MNGL ची लाईन फुटल्याने मोठी आग भडकल्याची घटना नुकतीच घडली आहे. सुमारे तास – दीड तास आग भडकत होती. मात्र स्थानिक व नगरसेविका रुपाली धाडवे यांच्या सर्तकतेमुळे कोणत्याही प्रकारची हानी न होता आग विझवण्यात अग्निशामक दलाला यश आले.
याबाबतची माहिती अशी की, रात्रीच्या सुमारास मोठा आवाज होत अचानकपणे आगीचा भडका उडाला. या आवाजाने परिसरातील नागरिक जागे झाले. घटनेच्या जवळच्या बिल्डिंगमध्ये राहणाऱ्या नगरसेविका यांनी सर्तकता दाखवत स्थानिक नागरिकांना घटनास्थळापासून सुरक्षित ठिकाणी नेले. अग्नीशामक दलालाला याची माहिती देत आग विझवण्यात आली.
पोलिसांच्या सर्तकतेमुळं वाचले तरुणाचे प्राण
दुसरीकडे कुटुंब कलहामुळं गळफास घेऊन आत्महत्येचा प्रयत्न करणाऱ्या तरुणाला पोलिसांनी वाचवले आहे. घटनेची माहिती मिळताच पोलिसांनी अवघ्या काही मिनिटात घटना स्थळ गाठल्याने तरुणाचे प्राण वाचले आहेत.
याबाबत मिळालेली माहिती अशी की भारती विद्यापीठ पोलीस ठाण्यात बिनतारी संदेश यंत्रणेवर एक तरुण आत्महत्या करत असल्याचा कॉल आंबेगाव येथील सिंहगड कॅम्पस येथून आला. पोलिसांनी क्षणाचाही विलंब न लावता काही मिनिटातच घटना स्थळ गाठले. घटनेच्या ठिकाणी सदर तरुण खुर्चीवर उभे राहून साडीचा साह्याने गळफास घेत होता. पोलिसांनी वेगाने हालचाली करत संबंधित तरुणाला खाली घेतले. तसेच त्या तरुणाला समजावून सांगत आत्महत्येपासून त्याचे मन परिवर्तन केले.
स्थनिकांनी मानले आभार
पोलीस कर्मचारी ब्रह्मनंद केंद्रे व नानासो खाडे यांनी दाखवलेल्या तत्परतेमुळे संबंधित तरुणाचा जीव वाचल्याची भावना स्थानिक नागरिकांनी व्यक्त केली आहे. यासाठी दोन्ही पोलीस कर्मचाऱ्यांचे अभिनंदनही केले आहे.
अभिनेता मंगेश देसाईंची नवी इनिंग, निर्माता म्हणून मनोरंजन विश्वात करणार पदार्पण!
क्रिप्टोकरन्सीच्या किमतीमध्ये वाढ; बिटकॉईन 58,590 डॉलर वर