मर्डरला एक वर्ष पूर्ण, दुसऱ्या वादळाची तयारी सुरु, पॅरोलवरील आरोपीच्या स्टेटसने खळबळ

मर्डरला एक वर्ष पूर्ण, दुसऱ्या वादळाची तयारी सुरु, असा स्टेटस ठेवलेल्या पॅरोलवरील आरोपीला पोलिसांनी बेड्या ठोकल्या.

मर्डरला एक वर्ष पूर्ण, दुसऱ्या वादळाची तयारी सुरु, पॅरोलवरील आरोपीच्या स्टेटसने खळबळ

इचलकरंजी : इचलकरंजी शहरामध्ये सोशल मिडीयाच्या माध्यमातून पॅरोलवर सुटलेल्या आरोपीने व्हाट्सअप स्टेटसद्वारे दहशत माजवण्याचा प्रयत्न केल्याप्रकरणी आरोपी आकाश संजय वासुदेव (वय 27 रा. भोनेमाळ) याला शिवाजीनगर पोलिसांनी अटक केली आहे. दीपक कोळेकर खून प्रकरणातील संशयित रेकॉर्डवरील गुन्हेगार आकाश संजय हा व्हॉट्स अ‌ॅपवर स्टेटसद्वारे दहशत माजवण्याचा प्रयत्न करत होता. (ichalkaranji Attempt to intimidate by status from accused who escaped on parole)

10 डिसेंबर 2019 रोजी स्टेशन रोडवरील इदगाह मैदान परिसरात पूर्ववैमनस्यातून दीपक महादेव कोळेकर (वय 26 रा. राधा कन्हैय्या प्रोसेसमागे लक्ष्मी वसाहत कोरोची) याचा निर्घृणपणे खून करण्यात आला होता. या खून प्रकरणी आकाश वासुदेव, अक्षय नरळे, मेहबूब उकले, आदिनाथ बावणे, सुनिल वाघवे, कासिम नदाफ आणि सागर आमले या सातजणांना अटक करण्यात आली होती. सध्या हे सर्वजण जामिनावर बाहेर आहेत.

या खूनाच्या घटनेला वर्ष झाल्याच्या निमित्ताने आकाश वासुदेव याने व्हॉटस्अपवर ‘मर्डरला वर्ष पूर्ण, दुसर्‍या वादाची तयारी सुरु’ अशा आशयाचा व्हिडिओ स्टेटस् म्हणून ठेवला होता. या संदर्भातील माहिती पोलिस उपअधिक्षक बी. बी. महामुनी यांना समजल्यानंतर त्यांच्या आणि शिवाजीनगर पोलिस ठाण्याकडी गुन्हे शोध पथकाचे पोलिस उपनिरिक्षक प्रमोद मगर यांच्या पथकाने वासुदेव याला सोमवारी रात्री ताब्यात घेतले.

आरोपीला न्यायालयासमोर हजर केले असता त्याची 15 दिवसांसाठी न्यायालयीन कोठडीत रवानगी करण्यात आली. शहर आणि परिसरात फेसबुक, व्हॉटस्अप, ट्विटर अशा सोशल मिडीयाच्या माध्यमातून गुन्हेगारीस अनुसरुन दोन टोळ्यांमध्ये वाद भडकवणाऱ्या पोस्ट, फोटो, हत्याराचे फोटो वापरल्याचे आढळून आल्यास संबंधितांवर तात्काळ कारवाई करण्यात येईल, असे पोलिस उपअधीक्षक महामुनी यांनी सांगितले. (ichalkaranji Attempt to intimidate by status from accused who escaped on parole)

हे ही वाचा :

सहा वर्षीय चिमुकल्याच्या हत्येचं गूढ काही तासात उकललं, बोरांच्या वाटणीवरुन मित्रानेच संपवलं

जळगावात भाजपला पुन्हा हादरा, दिग्गज नेत्या अस्मिता पाटील यांची सोडचिठ्ठी

Click on your DTH Provider to Add TV9 MARATHI