आरोग्य विभागाची आज पुन्हा ‘परीक्षा’; गोंधळ टाळण्यासाठी 1364 केंद्रांवर चोख तयारी
Group D Exam | गट क वर्गाच्या पेपरवेळी तांत्रिक अडचणींना विद्यार्थ्यांना सामोरे जावे लागले होते.त्यामुळे गट ड वर्गाची परीक्षा ही एमपीएससीमार्फत घ्यावी अशी मागणी विद्यार्थ्यांकडून करण्यात आली होती. परंतु, आरोग्य विभागाने यामध्ये कोणताही बदल केला नव्हता.
पुणे: गेल्या काही दिवसांपासून अकार्यक्षम व्यवस्थापन आणि तांत्रिक गोंधळामुळे वादाच्या भोवऱ्यात सापडलेला आरोग्य विभाग रविवारी पुन्हा एकदा ‘परीक्षेला’ सामोरा जाणार आहे. आज राज्यभरात आरोग्य विभागाची गट ड वर्गासाठी परीक्षा पार पडत आहे. 3464 पदांसाठी राज्यभरात 1364 परीक्षा घेण्यात येईल. दुपारी 2 वाजता परीक्षेला सुरुवात होईल. यापूर्वीचा अनुभव पाहता निदान आजतरी परीक्षा सुरळीत पार पडणार का, याकडे साऱ्यांच्या नजरा लागल्या आहेत. गट क परीक्षेसाठी नियुक्त केलेल्या केंद्रावरच ही परीक्षा घेतील जात आहे.
गट क वर्गाच्या पेपरवेळी तांत्रिक अडचणींना विद्यार्थ्यांना सामोरे जावे लागले होते.त्यामुळे गट ड वर्गाची परीक्षा ही एमपीएससीमार्फत घ्यावी अशी मागणी विद्यार्थ्यांकडून करण्यात आली होती. परंतु, आरोग्य विभागाने यामध्ये कोणताही बदल केला नव्हता.
विद्यार्थी संतप्त
पुण्यातील आरोग्य विभागाच्या क वर्गाच्या परीक्षेत मोठा गोंधळ निर्माण झाल्यानं विद्यार्थी संतप्त झाले होते. परीक्षा केंद्रावर काही विद्यार्थ्यांना प्रश्नपत्रिका मिळाल्या नव्हत्या. आरोग्य विभागाच्या परीक्षेसाठी पोहोचलेल्या विद्यार्थ्यांनी राज्य सरकार, आरोग्य विभागाविरोधात संताप केला आहे. आरोग्य विभागाच्या गलथान कारभारामुळे विद्यार्थ्यांना अश्रू अनावर झाले होते. सिंधुदुर्ग, बीड मधून विद्यार्थी पुण्यात परीक्षेसाठी दाखल झाले होते.
गोपीचंद पडळकर यांची टीका
आरोग्य विभागाच्या नोकर भरतीच्या परिक्षेवरून राज्यात झालेल्या गोंधळावर आमदार गोपीचंद पडळकर यांनी जोरदार टीका केली होती. भविष्यात आरोग्यमंत्री राजेश टोपे हे आर्थर रोडच्या तुरुंगात असतील, असे पडळकर यांनी म्हटले होते.
अकरावीला प्रवेश अर्ज करण्यासाठी शेवटचा दिवस
अकरावीला प्रवेश अर्ज करण्याचा आजचा शेवटचा दिवस आहे. यानंतर विद्यार्थ्यांना मुदत वाढवून मिळणार नाही. प्रवेश राहिलेल्या विद्यार्थ्यांनी आजच अर्ज करण्याचं शिक्षण विभागाचं आवाहन. पुणे आणि पिंपरी चिंचवड कार्यक्षेत्रातील महाविद्यालयात 11 वी प्रवेशासाठी अर्ज करण्याची मुदत वाढवून देण्यात आली होती.
संबंधित बातम्या:
दोन वेळा रद्द झालेल्या आरोग्य विभागाची भरती परीक्षा आता 24 ऑक्टोबरला; 2 हजार 739 रिक्त पदे भरणार