Pimpri Chinchwad byelection : नागपूरची गुलामी, ठाण्याची गद्दारी, पुण्यात कोणी लावले बॅनर?
पिंपरी-चिंचवडमध्ये लावण्यात आलेल्या या बॅनरमुळे राजकारण तापले आहे. परंतु हे बॅनर कोणी लावले? हे स्पष्ट झाले नाही. यापुर्वी पुणे शहरात कसबा पेठ मतदार संघात यासंदर्भात बॅनर लागले होते.
रणजित जाधव , पिंपरी-चिंचवड : पिंपरी चिंचवड पोटनिवडणुकीचे चित्र (Pimpri Chinchwad byelection)अखेरी स्पष्ट झाले आहे. महाविकास आघाडीचे (mahavikas aghadi) उमेदवार नाना काटे, भाजप उमेदवार अश्विनी जगताप (pimpri chinchwad bjp candidate) आणि अपक्ष राहुल कलाटे अशी तिरंगी लढत आता होणार आहे. महाविकास आघाडीचे बंडखोर उमेदवार राहुल कलाटे यांनी माघार घेतला नाही. त्यामुळे तिरंगी लढत होणार असल्याने त्यांच्यांवर निशाणा साधला जात आहे. पिंपरी चिंचवडमध्ये फ्लेक्स लावण्यात आले आहे. त्यामाध्यमातून कलाटे यांच्या शिवसेनेतील विश्वासार्हतेवर प्रश्न उपस्थित करण्यात आला आहे.
कसबा पेठ मतदार संघातून भाजपने हेमंत रासने यांची उमेदवारी जाहीर केली आणि भाजपच्या या बालेकिल्ल्यात एक पोस्टर झळकला. कुलकर्णीचा मतदारसंघ गेला… टिळकांचा मतदारसंघ गेला… आता नंबर बापटांचा का? समाज कुठवर सहन करणार? असे बॅनप पुण्यात लागेल होते.
पुणे शहरातील फ्लेक्सबाजीचं लोण आता पिंपरी चिंचवडमध्ये ही आलंय. या फ्लेक्समधून महाविकासआघाडीचे बंडखोर राहुल कलाटे यांच्यांवर निशाणा साधण्यात आलाय. ही बंडखोरी खोके घेऊन झाल्याचं त्यात म्हटलंय आहे. यातून त्यांची गुलामी अन गद्दारी समोर आल्याचं म्हटले आहे.
एका अपक्षाची उमेदवारी खोक्यातून…नागपूरची गुलामी, ठाण्याची गद्दारी, एकदेव ओके डोक्यातून…खरा शिवसैनिक असे या बॅनरमध्ये म्हटले आहे.
कोणी लावले बॅनर
पिंपरी-चिंचवडमध्ये लावण्यात आलेल्या या बॅनरमुळे राजकारण तापले आहे. परंतु हे बॅनर कोणी लावले? हे स्पष्ट झाले नाही. यापुर्वी पुणे शहरात कसबा पेठ मतदार संघात यासंदर्भात बॅनर लागले होते. त्यामुळे या बॅनरमागे आहेत तरी कोण? हा शोध राहुल कलाटे यांचे कार्यकर्ते घेऊ लागले आहे.
कलाटे यांचा निर्णय कायम
ठाकरे गटाच्या शिवसेनेचे खासदार संजय राऊत यांनी राहुल कलाटे यांच्याशी गुरुवारी फोनवरून संवाद साधला होता. त्यांना अर्ज मागे घेण्याची विनंती केली होती. त्यानंतर खासदार विनायक राऊत यांनीही अर्ज मागे घेण्याची कलाटे यांना विनंती केली. मात्र, कलाटे निवडणूक लढण्यावर ठाम राहिले. संभाजी ब्रिगेडने माघार घेतल्यामुळे महाविकास आघाडीला मोठा दिलासा मिळाला आहे. परंतु राहुल कलाटे यांनी माघार घेतली नसल्याने महाविकास आघाडीमधील मतांचे विभाजन होणार आहे. त्याचा फायदा भाजपला होणार आहे.
सचिन अहिर यांनी साधला संवाद
शिवसेना उद्धव ठाकरे गटाचे आमदार सचिन अहिर मुंबईहून थेट चिंचवडला पोहोचले होते. त्यांनी तब्बल अर्धा तास राहुल कलाटे यांच्याशी चर्चा केली. त्यांना उमेदवारी अर्ज मागे घेण्यास सांगितले. तसेच उद्धव ठाकरे यांच्याशी फोनवरून चर्चाही करून दिली. मात्र, तरीही कलाटे यांनी उमेदवारी अर्ज मागे घेण्याचा निर्णय घेतलेला नाही.
