Weather Update : राज्यभरात उन्हाचा तडाखा, जळगावात सर्वाधिक तापमान, वाचा कुठे किती तापमान?
राज्यभरात आज उन्हाचा तडाखा पाहायला मिळाला. फेब्रुवारी महिना सरल्यानंतर आता थंडी पूर्णपणे गायब झाली आहे. आज राज्याच्या विविध भागांमध्ये पारा चांगलाच तापला होता.
पुणे : राज्यभरात आज उन्हाचा तडाखा पाहायला मिळाला. फेब्रुवारी महिना सरल्यानंतर आता थंडी पूर्णपणे गायब झाली आहे. आज राज्याच्या विविध भागांमध्ये पारा चांगलाच तापला होता. कोकण, विदर्भ, मराठवाडा खानदेशात सूर्यनारायणाने चांगलीच आग ओकली. पुणे हवामान वेधशाळेने कुठे किती तापमान होतं, हे सांगितलं आहे. (Weather Update maharashtra today 04 03 2021 Weather Report)
पाहुयात राज्याच्या कोणत्या भागांत किती तापमान होतं?
जळगाव- 38.5 परभणी- 37.0 सांताक्रुझ मुंबई- 38.1 पुणे- 36.1 औरंगाबाद- 36.6 नाशिक- 36.1 मालेगाव- 38.4 ठाणे-34.8 रत्नागिरी-37.2 जालना- 35.2 सातारा- 35.3 सांगली-36.2 जेऊर-37 बीड-38.3
मराठवाडा, खान्देश, पश्चिम महाराष्ट्रात सूर्यनारायणाने आग ओकली
मराठवाडा, खान्देश आणि पश्चिम महाराष्ट्रातल्या अनेक जिल्ह्यांमध्ये उन्हाचा तडाखा पाहायला मिळाला. दुपाराच्या सुमारास तर उन्हाचा पारा इतका चढलेला होता की उन्हाचे चटके बसू लागलेले होते. फेब्रुवारी आणि थोडीशी थंडी सरल्यापासून राज्यात आज उन्हाचा कहर पाहायला मिळाला.
Max temp in state on 4 March… Getting hotter, pl TC Parbhani 37.0 Santacruz 38.1 Jalgaon 38.5 Pune 36.1 Aurangabad 36.6 Nasik 36.1 Malegaon 38.4 Thane 34.8 Rtn 37.2 Jalna 35.2 Satara 35.3 Sangli 36.2 Jeur. 37 Beed 38.3
— K S Hosalikar (@Hosalikar_KS) March 4, 2021
यंदा हिवाळ्यातही उष्णता
यंदा थंडी फारशी अनुभवायला मिळाली नाही, असे मुंबईकर म्हणत होते. मात्र ही परिस्थिती केवळ मुंबईतच नव्हती तर देशभरातल्या अनेक ठिकाणी अशी परिस्थिती अनुभवायला मिळाली. यंदाचा हिवाळा सरासरी तापमानाच्या तुलनेत उष्णच होता, असं समोर आलं आहे. भारतीय हवामान विभागाने जारी केलेल्या माहितीनुसार देशात सरासरी कमाल तापमान 27.47, सरासरी किमान तापमान 15.39 आणि सरासरी उष्ण तापमान 21.43 अंश सेल्सियस होते. हे सर्वसाधारणपणे 26.70, 14.59 आणि 20.65 असे असते.
देशाच्या विविध भागांत हिवाळ्याच्या ऋतुमध्ये तापमानात वाढ
देशभरातील एकूण तापमानाचा विचार केला असता वायव्य भारत, मध्य भारत, पूर्व आणि इशान्य भारत आणि दक्षिण द्विकल्प आणि चारही भागांमध्ये हिवाळ्याच्या ऋतुमध्ये कमाल आणि किमान तापमानात वाढ झालेली पाहायला मिळाली.
हे ही वाचा :
Varsha Gaikwad | दहावी, बारावीच्या परीक्षा ऑफलाईन होणार : वर्षा गायकवाड.
Weather Update : राज्यात उन्हाचा तडाखा, हवामान खात्याचा अंदाज; वाचा आठवडाभराचा वेदर रिपोर्ट
