Ratnagiri Corona Patient | मुंबईच्या रुग्णाचा दापोलीत थरार, पळून गेलेला कोरोना रुग्ण 13 तासांनी जंगलात सापडला
दापोली तालुक्यातील बोरीवली वरची वाडीतील येथील शाळेत विलगीकरण कक्षात असलेला एक रुग्ण पळून गेल्याने एकच खळबळ होती.
रत्नागिरी : दापोलीतील विलगीकरण कक्षातून पळून गेलेला कोरोना रुग्ण (Dapoli Escaped Corona Patient Found) तब्बल 13 तासांनी गावाजवळील जंगलात सापडला आहे. दापोली तालुक्यातील बोरीवली वरची वाडी येथील शाळेत विलगीकरण कक्षात असलेला एक रुग्ण पळून गेल्याने एकच खळबळ उडाली होती. मात्र, तो रुग्ण अखेर प्रशासनाने घेतलेल्या शोध मोहिमेमुळे सापडला आहे. त्यामुळे प्रशासन आणि ग्रामस्थांनी (Dapoli Escaped Corona Patient Found) सुटकेचा नि:श्वास सोडला.
बोरीवली वरची वाडी गावातील एका मोबाईल टॉवरच्या खाली दुपारी 1 च्या दरम्यान हा रुग्ण सापडला. त्यानंतर तात्काळ त्याला ताब्यात घेऊन पुढील उपचारासाठी दापोली येथे आणण्यात आले, अशी माहिती उपविभागीय पोलीस अधिकारी प्रवीण पाटील यांनी दिली. विलगीकरण कक्षातून पळालेल्या या रुग्णावर आता गुन्हा दाखल होण्याची शक्यता आहे.
लॉकडाऊनमुळे तंबाखू पुरवून पुरवून खाण्याची वेळ, मित्राने पुडी न दिल्याने मारहाणhttps://t.co/mc2juZN4H4
— TV9 Marathi (@TV9Marathi) May 14, 2020
दापोली येथे काल एकूण चार रुग्ण पॉझिटिव्ह सापडले. त्यातील हा रुग्ण पळून गेल्याने चिंता वाढली होती. त्या पॉझिटिव्ह रुग्णाला आणण्यासाठी रात्री रुग्णालयातून गाडी आणि कर्मचारी गेले होते. त्यावेळी बाहेर जाऊन येतो, असं सांगून या रुग्णाने पळ काढला होता (Dapoli Escaped Corona Patient Found). मात्र, स्थानिक ग्रामस्थ, प्रशासन पोलीस कर्मचारी यांनी शर्थीचे प्रयत्न करुन अखेर त्या रुग्णाला शोधून काढले. यासाठी उपविभागीय पोलीस अधिकारी प्रवीण पाटील यांच्या मार्गदर्शनाखाली दाभोळ पोलीस स्टेशनचे एपीआय सुनील पवार आणि पीएसआय दीपक कदम यांच्या सह अनेकांनी मोलाची कामगिरी केली.
बोरीवली ग्रामस्थांनी अतिशय उत्तम काळजी घेत तेथील शाळेत बाहेरुन येणाऱ्या सगळ्यांना विलगीकरण कक्षात ठेवले आहे. जवळपास 28 जणांना येथे ठेवले असून त्याच ठिकाणी हा कोरोना पॉझिटिव्ह रुग्ण होता. हा रुग्ण मुंबईतून दापोलीला गेला होता. मात्र, तो पळून गेल्याने रात्रीपासून त्याला शोधण्यासाठी प्रशासन कर्मचारी, पोलीस ग्रामस्थ (Dapoli Escaped Corona Patient Found) शर्थीचे प्रयत्न करत होते.
संबंधित बातम्या :
Corona | सोलापुरात कोरोनाचा कहर, 32 दिवसात 300 रुग्णांचा टप्पा पार, आठवड्याला सरासरी 70 नवे रुग्ण
कोरोना कदाचित कधीच नष्ट होणार नाही, जागतिक आरोग्य संघटनेचा इशारा
