Video | सदावर्तेंकडून राऊतांची नक्कल! ‘नो क्वेशन आन्सर’वर म्हणाले, लाज वाटायली काय?
मुद्दा एसटी विलीकरणाच्या सुनावणीचा तिथेही संजय राऊत चर्चेत आले. कारण एसटी कर्मचाऱ्यांची बाजू मांडणारे वकील गुणरत्न सदावर्ते (Gunratna Sadavarte) यांची थेट नक्कल केली.
मुंबई : आज सर्वांचा फोकस एसटीच्या (St Worker) अहवालाच्या सुनावणीवर होती. कोर्टात दोन्ही बाजूने जोरदार युक्तीवाद झाला. त्यानंतर कोर्टाने या प्रकरणाची सुनावणी शुक्रवारी ठेवली आहे. रोज चर्चेत असणारे संजय राऊत (Sanjay Raut) आज थोडे आऊट ऑफ फोकस झालेत की काय असे वाटत होतं. मात्र मुद्दा एसटी विलीकरणाच्या सुनावणीचा तिथेही संजय राऊत चर्चेत आले. कारण एसटी कर्मचाऱ्यांची बाजू मांडणारे वकील गुणरत्न सदावर्ते (Gunratna Sadavarte) यांची थेट नक्कल केली. त्यामुळे या नकलीचा व्हिडिओ सोशल मीडियावर व्हायरल व्हायला लागला आहे.आता तुम्ही म्हणत असाल या व्हिडिओत असे काय आहे की व्हायरल व्हायला लागला. तर व्हिडिओ संजय राऊतांच्या नो क्वेशन-आन्सर स्टाईलचा आहे. संजय राऊतांनी घेतलेल्या वादळी पत्रकार परिषदेत संजय राऊतांनी भाजपवर जोरदार टिकेची बाण सोडले. मात्र शेवटी पत्रकार परिषदेनंतर संजय राऊत नो क्वेशन, अन्सर म्हणताना दिसून आले.
सदावर्तेंच्या व्हिडिओत नेमकं काय?
संजय राऊत फक्त एकदाच नो क्वेशन-अन्सर नाही म्हणाले. त्यानंतर राऊतांनी जणू तसा पायंडाच पाडला. उद्धव ठाकरे आणि सीकेआर यांच्या हायव्होल्टेज पत्रकार परिषदेतही संजय राऊत पुन्हा सीकेआर यांच्या कानात पुन्हा नो कमेंट्स म्हणताना दिसून आले. आणि त्यावरून सदावर्ते यांनी संजय राऊतांचाही समाचार घेतला आहे. ज्या सीकेआर यांची भेट घेतली त्यांच्या राज्यात काय सवलती दिल्या आहेत, हे विचारायला हवं होतं. तेव्हा विचारायला काय झालं होतं? तेव्हा विचारायला लाज वाटत होती का? असा आक्रमक सवाल एकदा नाही तीनवेळा या व्हिडिओत करताना दिसून येत आहेत. त्यामुळे संजय राऊत आज पुन्हा या नक्कलीने चर्चेत आले आहेत.
पाहा हटके स्टाईल सदावर्ते
सुरूवातील एसटी कर्मचाऱ्यांसाठी भाजप आमदार गोपीचंद पडळकर आणि सदाभाऊ खोत मैदानात उतले मात्र ते बाजूला झाल्यानंतर गुणरत्न सदावर्तेंनी हे आंदोलन टेकओव्हर केलंय. तेव्हापासून ते रोज सरकारवर तोफा डागत आहेत. यात सदावर्तेंनी केलेली नक्कल एवढी हटके स्टाईल आहे, तुम्हीही एवढ्या तणावात खदखदून हसाल. आज दिवसभर एसटीचा मुद्दा चांगलाच चर्चेत राहिला आहे. गुणरत्न सदावर्ते यांची बोलण्याची स्टाईल पहिल्यापासूनच आक्रमक आहे. बोलताना त्यांच्या आवाजाची पट्टीही बरीच वरची असते. वाक्यातील शब्दांवर एक विशिष्ठ भर असतो. मात्र आज केलेली ही नक्कल आणि ते हटके स्टाईल हातवारे अनेक दिवस अनेकांच्या लक्षात राहतील एवढं मात्र नक्की.
