सोलापूर महापालिकेत महाविकास आघाडीची रणनीती, महापौर आमचाच, प्रणिती शिंदेंचा दावा

सोलापूर : भाजपला हटवण्यासाठी एकत्र आलेल्या शिवसेना, काँग्रेस आणि राष्ट्रवादीने महाविकास आघाडी बनवून, राज्यात सरकार स्थापन केलं. आता हीच महाविकास आघाडी महापालिकांमध्येही (Solapur Mayor Election) सत्तास्थापन्याच्या तयारीत आहे. महाविकास आघाडीचा हा फॉर्म्युला सोलापूर महानगरपालिकेत (Solapur Mayor Election)  अमलात आणण्याच्या हालचाली सुरु झाल्या आहेत.

बहुमतात असणाऱ्या भाजपला दूर ठेण्यासाठी महानगरपालिकेतील काँग्रेस, शिवसेना, राष्ट्रवादी काँग्रेस एकत्र येणार आहेत. 102 जागा जागा असलेल्या महानगरपालिकेत भाजपचे 49 नगरसेवक आहेत. तर शिवसेनेचे 21, काँग्रेसचे 14 राष्ट्रवादीचे 4 नगरसेवक आहेत. माकपकडे 1, अपक्ष आणि इतर 4  आणि एमआयएमचे 8  नगरसेवक आहेत.

त्यामुळे आकडेवारीचे गणित लक्षात घेता भाजप बहुमतात असले तरी महाविकास आघाडीला एमआयएमची साथ लाभली तर महाविकास आघडीच्या महापौरपदाचा मार्ग मोकळा होण्याची शक्यता आहे. पण त्यासाठी भाजपविरोधातील सर्व पक्षीयांना एकत्र यावं लागेल.

काँगेस आमदार प्रणिती शिंदे यांनी सोलापूर महानगरपालिकेत महाविकास आघाडीचा महापौर होणार असल्याचा दावा केला आहे. सोलापूर महानगरपालिकेसाठी उद्या महापौरपदाची निवड होणार आहे. त्या पार्श्वभूमीवर आमदार प्रणिती शिंदे यांनी हा दावा केला.

सोलापूर महापालिका पक्षीय बलाबल • भाजप 49 • शिवसेना 21, • काँग्रेस 14 • राष्ट्रवादी 04 • MIM – 08 • माकप – 01 • अपक्ष/इतर – 04 • रिक्त – 01 • एकूण = 102