आई बेपत्ता आणि दोन चिमुरडे भर पाण्यात, काळजाचा ठोका चुकवणारी घटना

डोंबिवलीच्या खाडीतील पाण्याच्या मधोमध असलेल्या टापूवर दोन चिमुकले अडकून पडले होते.

Nupur Chilkulwar | Updated on: Dec 08, 2020 | 9:32 AM

डोंबिवली : डोंबिवलीत एक मन हेलावून टाकणारी धक्कादायक घटना घडली आहे (Dombivali Children Stuck In The Middle Of Water). डोंबिवलीच्या खाडीतील पाण्याच्या मधोमध असलेल्या टापूवर दोन चिमुकले अडकून पडले होते. दोन तरुणांनी मोठ्या हिमतीने पाण्यातून वाट काढत या चिमुकल्यांना वाचवलं आहे. या मुलांच्या आईने आत्महत्या केली असल्याची शक्यता वर्तवण्यात येत आहे (Dombivali Children Stuck In The Middle Of Water).

डोंबिवलीच्या खाडीतील पाण्याच्या मधोमध असलेल्या टापूवर दोन चिमुकले रडत होते. चारही बाजूने पाण्याने वेढलेल्या या टापूवर त्या लहानग्यांना बघून ग्रामस्थ हैराण झाले. त्यांना कसं वाचवावं याचाच सर्वजण विचार करत होते. यादरम्यान, या मुलांना वाचवण्यासाठी स्वत:च्या जीवाची पर्वा न करता कचोरे गावातील ग्रामस्थांपैकी दोन तरुण गणेश मुकादम आणि तेजस मुकादम हे खाडीच्या पाण्यात उतरले. त्या दोन मुलांना पाण्यातून बाहेर काढले. या दोन तरुणांमुळे त्या लहानग्यांचे जीव वाचले.

जर या तरुणांनी धाडस दाखवलं नसतं तर कदाचित या मुलांचा जीव वाचला नसता. कारण, अंधार झाल्यानंतर खाडीतील पाण्याच्या पातळीत वाढ झाली असती आणि हे चिमुरडे पाण्यात बुडाले असते. मात्र, गणेश मुकादम आणि तेजस मुकादम या दोन तरुणांच्या धाडसाने या चिमुकल्यांना जीवनदान मिळाले आहे. त्यासाठी त्यांचं कौतुक केलं जात आहे.

या चिमुकल्यांपैकी एक मुलगा दोन वर्षांचा आहे, तर दुसरा सहा महिन्यांचा आहे. या दोन्ही मुलांना विष्णूनगर पोलिसांना सुपूर्द करण्यात आले आहे.

विष्णूनगरचे वरिष्ठ पोलीस निरिक्षक संजय साबळे यांनी सांगितले की, या मुलांटी आई त्यांना घेऊन खाडीजवळ आली असण्याची शक्यता आहे. तिचा शोध सुरु आहे. ती कुठे आहे ते कोणालाच माहिती नाही. तपास सुरु आहे. मात्र, लहान मुलांना सोडून आईने आत्महत्या केली असल्याची शक्यता आहे.

आजी-आजोबांची आठवण आली आणि ‘ती’ लोकलमध्ये बसली, पोलिसांच्या सतर्कतेमुळे सात वर्षाच्या चिमुरडीचा शोधhttps://t.co/N6lIJHiDfE #Kalyan #KalyanNews

— TV9 Marathi (@TV9Marathi) December 7, 2020