Ambernath Lift Collapse : अंबरनाथमध्ये दुसऱ्या माळ्यावरून लिफ्ट कोसळून सात महिला जखमी, दोघींचे पाय मोडले
इमारतीत सोमवारी काही महिला दुसऱ्या मजल्यावरील एका घरी डान्सच्या प्रॅक्टिससाठी गेल्या होत्या. तिथून सायंकाळी पाचच्या दरम्यान परतत असताना लिफ्टमध्ये सात महिला शिरल्या. यावेळी लिफ्ट अतिशय वेगात खाली येऊन कोसळली. कोसळणाऱ्या लिफ्टचा वेग इतका जास्त होता, की 2 महिलांचे पाय जागीच मोडले.
अंबरनाथ : ओव्हरलोड झाल्याने दुसऱ्या माळ्यावरुन लिफ्ट (Lift) कोसळून सात महिला जखमी (Injured) झाल्याची घटना अंबरनाथमधील निलयोग नगरमध्ये घडली आहे. या महिलांपैकी दोघींच्या पायाला गंभीर स्वरूपाची इजा झाली आहे तर इतर महिला किरकोळ जखमी झाल्या आहेत. विद्या सुर्वे आणि सुमन दास अशी गंभीर जखमी झालेल्या महिलांची नावे आहेत. या महिलांनी आरडाओरडा केल्यानंतर सोसायटीतल्या रहिवाशांनी तिथे धाव घेत त्यांना बाहेर काढले आणि रुग्णालयात दाखल केले. (Seven women injured when elevator collapses from second garden in Ambernath)
दुसऱ्या मजल्यावर डान्स प्रॅक्टिससाठी गेल्या होत्या महिला
इमारतीत सोमवारी काही महिला दुसऱ्या मजल्यावरील एका घरी डान्सच्या प्रॅक्टिससाठी गेल्या होत्या. तिथून सायंकाळी पाचच्या दरम्यान परतत असताना लिफ्टमध्ये सात महिला शिरल्या. यावेळी लिफ्ट अतिशय वेगात खाली येऊन कोसळली. कोसळणाऱ्या लिफ्टचा वेग इतका जास्त होता, की 2 महिलांचे पाय जागीच मोडले. या घटनेनंतर रुग्णालयात दाखल करण्यात आलेल्या विद्या सुर्वे आणि सुमन दास यांच्या पायाचे ऑपरेशन करण्यात येणार आहे. दरम्यान, क्षमतेपेक्षा जास्त प्रवासी लिफ्टने गेल्यास किती महागात पडू शकतं, हे यावरून समोर आलंय.
ओव्हरलोड झाल्याने लिफ्ट कोसळून दुर्घटना
याबाबत या इमारतीचे विकासक ज्ञानधर मिश्रा यांना विचारले असता, ही इमारत अतिशय नवीन असून लिफ्ट खराब होण्याचे काही कारण नव्हते. मात्र लिफ्टमध्ये प्रमाणापेक्षा जास्त महिला शिरल्याने लिफ्ट कोसळल्याचे त्यांनी सांगितले. तसेच याबाबत या महिलांना सोसायटीतील सदस्यांनी यापूर्वीही दोन वेळा समज दिली होती, मात्र तरीही क्षमतेपेक्षा जास्त महिला एकाच वेळी लिफ्टमध्ये गेल्याने हा अपघात झाल्याचे ते म्हणाले. तसेच ही इमारत आपण सोसायटीला हँडओव्हर केलेली असून सोसायटीकडून लिफ्टचे मेंटेनन्स सुद्धा केले जाते असल्याची माहिती त्यांनी दिली. (Seven women injured when elevator collapses from second garden in Ambernath)
इतर बातम्या
Chandrapur | कोळसा वसाहतीत गटार लाईनची स्वच्छता, 2 कामगारांचा गुदमरून मृत्यू
