बंदुकीच्या परवाण्यासाठी आले अन्… डॉक्टर राजेंद्र रुपनवर प्रकरणात खळबळ, थेट राज्यातील बड्या नेत्याच्या..

साताऱ्याच्या फलटण उपजिल्हा रुग्णालयात डॉक्टर म्हणून काम करणाऱ्या डॉ. राजेंद्र रुपनवर यांनी धक्कादायक निर्णय घेतला. त्यांनी आपल्या आयुष्याचा शेवट केला. वरिष्ठांवर गंभीर आरोप करण्यात आली. हेच नाही तर याप्रकरणात दादर पोलिस स्टेशनमध्ये गुन्हा देखील दाखल करण्यात आला. हातावर नोट लिहून राजेंद्र रुपनवर यांनी आयुष्याचा शेवट करण्याचा प्रयत्न केला. त्यांच्यावर उपचारही सुरू होते. मात्र, त्यांना वाचवण्यात यश आले नाही. फलटण उपजिल्हा रुग्णालयाच्या वैद्यकीय उपाधीक्षक डॉ. लीला मदने आणि कोंडे देशमुख यांच्यावर कारवाई व्हावी, अशी मागणी कुटुंबियांकडून केली जात आहे. जोपर्यंत कारवाई होत नाही, तोपर्यंत मृतदेह ताब्यात घेणार नाही, अशी कुटुंबाची भुमिका आहे. गंभीर आरोप करण्यात आलीत.

25 दिवस झाले तरी न्याय मिळाला नाही, लिला यांनी प्रचंड छळ केला. बंदुकीच्या परवाण्यासाठी आले, त्याला फिटनेस प्रमाणपत्र दिले. कोंडे देशमुख यांच्याकडून अरे तुरे भाषा आणि त्यांच्या बॉडिगार्डकडून मारहाण झाली. रुग्णालयाकडून त्रास देण्यात आला ,पगार वेळेवर दिला जात नव्हता, असे आरोप राजेंद्र रुपनवर यांच्या नातेवाईकांकडून करण्यात आली. या प्रकरणात ज्या देशमुखचा उल्लेख केला जात आहे, ते तानाजी सावंत यांचे पीए असल्याचे सांगितले जातंय.

लिला मदणे यांच्यावर गुन्हा दाखल करण्यात आला. कोंडे देशमुख आणि मदने यांच्यावर कारवाई व्हावी, ह्या प्रकरणाची पूर्ण चौकशी व्हावी, अशी कुटुंबियांची मागणी आहे. ह्यांच्यावर कारवाई होत नाही तोपर्यंत मृतदेह ताब्यात घेणार नाही, अशी भूमिका कुटुंबियांची आहे. या प्रकरणात आता अनेक राजकीय नेत्यांनीही आवाज उठवण्यास सुरूवात केली.

आमदार रोहित पवार यांनीही एक पोस्ट सोशल मीडियावर शेअर करत यावर भाष्य केले. संपदा मुंडे प्रकरणाप्रमाणेच यामध्येही काही नेत्यांची थेट नावे पुढे येत आहेत. पोलिसांकडून या प्रकरणात तपास केला जात आहे. लिला मदने यांचे तडकाफडकी निलंबन करण्यात आले. आमच्या मुलाला कसा त्रास दिला जात होता, हे कुटुंबियांकडून सांगितले जात आहे. या प्रकरणात अजून काही लोकांवर गुन्हे दाखल होण्याच शक्यता आहे.