Weather Report : पुण्यात सर्वात कमी तापमानाची नोंद तर मुंबईतून थंडी गायब, हवामान विभागानं सांगितलं कारण
राज्यात नोव्हेंबर आणि डिसेंबरच्या सुरुवातीच्या आठवड्यात सुरु असलेल्या अवकाळी पावसानं विश्रांती घेतल्यानंतर मिश्र हवामान पाहायला मिळत आहे. मुंबईतील (Mumbai) थंडी गायब झाली आहे.
मुंबई : राज्यात नोव्हेंबर आणि डिसेंबरच्या सुरुवातीच्या आठवड्यात सुरु असलेल्या अवकाळी पावसानं विश्रांती घेतल्यानंतर मिश्र हवामान पाहायला मिळत आहे. मुंबईतील (Mumbai) थंडी गायब झाली आहे. तर, अंशत: ढगाळ स्थिती पाहायला मिळत आहे. दुसरीकडे पुण्यात (Pune ) रविवारी राज्यातील सर्वात कमी तापमानाची नोंद झाली आहे. पुण्यात पुढील तीन दिवसात धुके पडण्याची शक्यता वर्तवण्यात आली आहे.
मुंबईतील थंडी गायब
मुंबईतील थंडी गायब झाली असून तापमानात वाढ झाल्याचं चित्र पाहायला मिळत आहे. उत्तरेकडील थंड वाऱ्यांचे प्रवाह थेट राज्याकडे येत नसल्याने कडाक्याच्या थंडीतील विघ्न कायम आहेत. रात्री हवेत काही प्रमाणात गारवा असला, तरी राज्यात सर्वच ठिकाणी किमान तापमान अद्यापही सरासरीच्या पुढेच असल्याने डिसेंबरमध्ये या कालावधीत अपेक्षित असलेली थंडी जाणवत नाही.
WEATHER INFO-DTD 12.12.2021 Max Temp CLB 32.6 DEG. C SCZ 35.0 DEG. C -IMD MUMBAI मुंबई दिवसा अजूनही गरमच, पूर्व दिशेने येणा-या ? वा-यांचा प्रभाव …
— K S Hosalikar (@Hosalikar_KS) December 12, 2021
राज्यातील थंडी गायब
पुढील तीन ते चार दिवस तापमानात फार मोठ्या प्रमाणात बदल होणार नसल्याचे हवामान विभागाने स्पष्ट केले. डिसेंबरच्या सुरुवातीपासून थंडीचा कडाका वाढण्याची शक्यता असताना अरबी समुद्रातील कमी दाबाच्या क्षेत्रामुळे राज्यात पावसाळी वातावरण निर्माण झाले आणि रात्रीची थंडी गायब झाली.
पुण्यात रविवारी कमी तापमानाची नोंद
राज्यातील सर्वात कमी तापमानाची नोंद रविवारी पुण्यात झाली. शहरात 14.1 अंश सेल्सिअस इतके किमान तापमान तर 28.6 अंश सेल्सिअस कमाल तापमानाची नोंद झालेली आहे. पुढील तीन दिवस शहरात अंशतः ढगाळ वातावरणाची आणि धुके पडण्याची शक्यता हवामान विभागाने वर्तवली आहे.
इतर बातम्या:
Weather Forecast lowest temperature recorded in pune and Mumbai temperature increased
