Bandra Building Collapse | वांद्र्यात सहा मजली रिकाम्या इमारतीचा काही भाग कोसळला, 5 जण जखमी
वांद्र्यात एका रिकाम्या इमारतीचा काही भाग शेजारील दोन दुकानांवर कोसळल्याची दुर्घटना घडली आहे (Bandra Building Collapse).
मुंबई : वांद्र्यात एका सहा मजली रिकाम्या इमारतीचा काही भाग शेजारील दोन दुकानांवर कोसळल्याची दुर्घटना घडली आहे (Bandra Building Collapse). वांद्र्याच्या रिजवी महाविद्यालयाजवळ रात्री आठ वाजेच्या सुमारास ही दुर्घटना घडली. या दुर्घटनेची माहिती मिळताच बचाव पथक आणि अग्निशमन दलाच्या आठ गाड्या घटनास्थळी दाखल झाल्या आहेत. बचाव पथकाचं काम युद्ध पातळीवर सुरु आहे.
बचाव पथकाने आतापर्यंत पाच जखमींना ढिगाऱ्याखालून बाहेर काढलं आहे. ढिगाऱ्याखाली आणखी काही जण अडकल्याची भीती वर्तवली जात आहे. बचाव पथकाचं ढिगाऱ्याखाली अडकलेल्यांना बाहेर काढण्यासाठी रेस्क्यू ऑपरेशन सुरु आहे. दरम्यान, आतापर्यंत ढिगाऱ्यातून बाहेर काढण्यात आलेल्या जखमींना तातडीने रुग्णालयात उपचारासाठी पाठवण्यात आलं आहे (Bandra Building Collapse).
#UPDATE: The building that collapsed in Bandra’s Sherley Rajan road was empty, however, its debris fell on other structures nearby. One person rescued; rescue operation underway. #Maharashtra https://t.co/N1zCB1iR1f pic.twitter.com/lIz7bRDJyF
— ANI (@ANI) August 17, 2020
वांद्र्यातील शेर्ले राजन रोडवर कल्पना इमारतीजवळ ही दुर्घटना घडली आहे. ही इमारत गेल्या तीन दशकांपासून रिकामी होती. या दुर्घटनेनंतर भाजप नेते आशिष शेलार हेदेखील घटनास्थळी दाखल झाले. याबाबत त्यांनी ट्विट करत माहिती दिली.
माझ्या मतदार संघातील खार येथील कल्पना ही इमारत आज कोसळून दुर्घटना घडली. पोलीस, अग्निशमन दल, महापालिकेची यंत्रणा घटनास्थळी दाखल झाली आहे. मीही तातडीने जाऊन पाहणी केली. बचाव कार्य अद्याप सुरु असून नुकसान झालेल्या व दुर्घटनाग्रस्त कुटुंबांना शासनाने मदत करावी. @MhatreViru pic.twitter.com/Zq5DgbcBHB
— Adv. Ashish Shelar – ॲड. आशिष शेलार (@ShelarAshish) August 17, 2020
