सरकारला आंदोलनाची धडकी, दिल्लीतील 11 मेट्रो स्टेशन आज बंद, ज्ञानेश कुमार यांच्या राजीनाम्यासाठी जंतरमंतरवर ‘आप’कडून मोठे आंदोलन

आज आपचे जंतरमंतरवर मोठे आंदोलन

मुख्य निवडणूक आयुक्त ज्ञानेश कुमार यांच्याविरोधात विरोधक आक्रमक झाले आहेत. देशातील विविध भागात विरोधकांनी आंदोलनाचे हत्यार उपसले आहे. आज मुंबईत सीजेपी दादर येथील छत्रपती शिवाजी महाराज पार्क येथे आंदोलन करणार आहे. रविवारी ठाकरे बंधू निवडणूक आयोगाविरोधात एल्गार पुकारणार आहेत. तर मुख्य निवडणूक आयुक्त ज्ञानेश कुमार यांच्या राजीनाम्यासाठी आज दिल्लीतील जंतर मंतर इथं आंदोलनाची हाक देण्यात आली आहे. आम आदमी पार्टी, डाव्या विचारांचे पक्ष यासह अनेक संघटनांनी घोषणा केली आहे. यामुळे दिल्लीतील 11 मेट्रो स्टेशन आज बंद ठेवण्यात येणार आहे.

दिल्लीतील 11 मेट्रो स्टेशन आज बंद

दिल्लीतील 11 मेट्रो स्टेशन आज बंद ठेवण्यात आली आहे. जंतर मंतर इथ होणाऱ्या आंदोलनाच्या घोषणेच्या पार्श्वभूमीवर निर्णय घेण्यात आला आहे. पुढील सूचना मिळेपर्यंत हे मेट्रो स्टेशन बंद राहतील अशी घोषणा करण्यात आली आहे. राजीव चौक, मंडी हाऊस, नवी दिल्ली आणि सेंट्रल सेक्रेटरीयेट या स्थानकांवर मार्ग बदलण्याची (Interchange) सुविधा उपलब्ध राहणार आहे.

बंद असलेली मेट्रो स्टेशन 

1. जनपथ

2. पटेल चौक

3. सेंट्रल सेक्रेटरीयेट

4. राजीव चौक

5. सेवा तीर्थ

6. मंडी हाऊस

7. लोक कल्याण मार्ग

8. आयएनए (INA)

9. चावडी बाजार

10. रामकृष्ण आश्रम मार्ग

11. नवी दिल्ली

जंतरमंतरवर मोठ्या आंदोलनाची तयारी

मुख्य निवडणूक आयुक्त ज्ञानेश कुमार यांच्या राजीनाम्यासाठी आज दिल्लीतील जंतर मंतर इथं आंदोलन करण्यात येणार आहे. आम आदमी पार्टी, डाव्या विचारांचे पक्ष यासह अनेक संघटनांनी आंदोलनाची घोषणा केली आहे. या पार्श्वभूमीवर दिल्ली पोलीस सतर्क झाले असून जंतर मंतर परिसरात बॅरिकेटिंग केली आहे. आम आदमी पक्षाचे संयोजक अरविंद केजरीवाल यांच्यासह प्रमुख नेते उपस्थित रहाण्याची शक्यता आहे. नवी दिल्ली जिल्ह्यात BNSS च्या कलम १६३ अन्वये निर्बंध लागू करण्यात आले आहेत. यामुळे लेखी परवानगीशिवाय जमावबंदी (पाच किंवा त्यापेक्षा जास्त लोकांचे एकत्र येणे), मिरवणुका, निदर्शने आणि धरणे आंदोलन करण्यास मनाई आहे.