देशाचं विभाजन करण्यातून वेळ मिळाला तर वाचा, काँग्रेसकडून मोदींसाठी संविधानाची प्रत ऑर्डर

काँग्रेसने देशाच्या 71 व्या प्रजासत्ताक दिनानिमित्त पंतप्रधान नरेंद्र मोदींसाठी भारतीय संविधानाची प्रत ऑर्डर केली आहे (Congress order Indian Constitution for PM Modi).

Congress order Indian Constitution for Modi, देशाचं विभाजन करण्यातून वेळ मिळाला तर वाचा, काँग्रेसकडून मोदींसाठी संविधानाची प्रत ऑर्डर

नवी दिल्ली : काँग्रेसने देशाच्या 71 व्या प्रजासत्ताक दिनानिमित्त पंतप्रधान नरेंद्र मोदींसाठी भारतीय संविधानाची प्रत ऑर्डर केली आहे (Congress order Indian Constitution for PM Modi). देशाचं विभाजन करण्यातून वेळ मिळाला, तर संविधानही वाचा, असा उपरोधात्मक सल्लाही काँग्रेसनं मोदींना दिला. विशेष म्हणजे काँग्रेसने अॅमेझॉनवर संविधानाची ऑर्डर करताना चक्क ‘पे ऑन डिलिव्हरी’चा पर्याय निवडला. त्यामुळे संविधान मिळाल्यावर याचं पेमेंटही मोदींनाच करावं लागणार आहे (Congress order Indian Constitution for PM Modi).

काँग्रेसने रविवारी (26 जानेवारी) पंतप्रधान नरेंद्र मोदींसाठी संविधानाची प्रत ऑर्डर केली. काँग्रसच्या सोशल मीडिया विभागाचे प्रमुख रोहन गुप्ता यांनी ‘अॅमेझॉन’वरुन पंतप्रधानांसाठी संविधानाची प्रत ऑर्डर केली. याची किंमत 170 रुपये आहे. ही प्रत केंद्रीय सचिवालयाच्या पत्त्यावर पाठवण्यात आली आहे.


काँग्रेसने पंतप्रधान मोदींना संविधानाची प्रत पाठवल्याची पावतीही ट्विट केली आहे. या ट्विटमध्ये म्हटलं आहे, ‘प्रिय पंतप्रधान, तुमच्यापर्यंत लवकरच संविधान पोहचेल. तुम्हाला देशाचं विभाजन करण्यातून वेळ मिळाला तर कृपया ते वाचा.’

काँग्रेसने नागरिकत्व सुधारणा कायद्यावरुन (CAA) भाजपवर निशाणा साधला आहे. काँग्रेसने म्हटलं, ‘भारतीय संविधान कलम 14 नुसार सर्व नागरिकांना कायद्यासमोर समानता देते. सीएएमध्ये मात्र कायद्यासमोर सर्व समान या मुल्याचं उल्लंघन झालं आहे.’ काँग्रेसचे माजी अध्यक्ष राहुल गांधी, महासचिव प्रियंका गांधी, मुख्य प्रवक्ते रणदीप सुरजेवाला आणि अनेक इतर नेत्यांनी प्रजासत्ताक दिनाच्या देशवासीयांना शुभेच्छा दिल्या आहेत.

कमेंट करा

कमेंट करा

Your email address will not be published. Required fields are marked *