LIVE सुसाइड करत होता युवक, अमेरिकेत गेला मेसेज, 13 मिनिटांत पोलीस पोहचली, वाचले प्राण

पोलिसांना अलर्ट पाठवल्यापासून घटनास्थळावर पोहचण्यास केवळ 13 मिनिटे लागली. पोलिसांनी त्या तरुणाचे सुमारे 6 तास समुपदेशन केले.

LIVE सुसाइड करत होता युवक, अमेरिकेत गेला मेसेज, 13 मिनिटांत पोलीस पोहचली, वाचले प्राण
Follow us
| Updated on: Feb 02, 2023 | 6:02 PM

गाझियाबाद : फेसबुकच्या अलर्टमुळे  उत्तर प्रदेशातील गाझियाबादमध्ये एका तरुणाचा जीव वाचला. इंस्टाग्रामवर हा तरुण लाईव्हवर आत्महत्या करण्याच्या तयारीत होता. त्याचे अलर्ट कॅलिफोर्नियातील फेसबुक आणि इन्स्टाग्रामची मूळ कंपनी मेटा मुख्यालयात गेला. त्यांनी उत्तर प्रदेशातील पोलिसांना हा अलर्ट पाठवला. पोलिसांनी मोबाइल लोकेशन ट्रॅक करून तरुणाला वाचवले. या संपूर्ण प्रकरणातील विशेष बाब म्हणजे पोलिसांना अलर्ट पाठवल्यापासून घटनास्थळावर पोहचण्यास केवळ 13 मिनिटे लागली. पोलिसांनी त्या तरुणाचे सुमारे 6 तास समुपदेशन केले.

फेसबुक किंवा इंस्टाग्रामवर एखाद्या व्यक्तीच्या आत्महत्येशी संबंधित पोस्ट दिसल्यास तत्काळ पोलिसांना सतर्क करण्यासाठी उत्तर प्रदेश पोलिसांनी गेल्या वर्षी मार्चमध्ये मेटा कंपनीशी करार केला होता. त्यानुसार हा अलर्ट उत्तर प्रदेश पोलिसांना मिळाला.

मंगळवारी रात्री ९.५७ वाजता अभय शुक्ला याने इन्स्टाग्रामवर लाईव्ह येऊन आत्महत्या करण्यास सुरुवात केली. त्याचा व्हिडिओ पाहूनअमेरिकेतील इन्स्टाग्राम-फेसबुकच्या मुख्यालयाने उत्तर प्रदेश पोलिसांच्या सोशल मीडिया सेंटरला ईमेल अलर्ट पाठवला. या ईमेलमध्ये अभयचा नोंदणीकृत मोबाईल क्रमांकही दिला होता.

पोलिसांना त्याचे लोकेशन गाझियाबाद असल्याची माहिती मिळाली. पोलिसांच्या सोशल मीडिया टीमने ही माहिती गाझियाबाद पोलिस आयुक्तालयाकडे पाठवली. तेथून विजयनगर पोलिस ठाण्यात संदेश देण्यात आला. यानंतर पोलिसांनी अभयला फाशी घेण्यापुर्वीच वाचवले. अमेरिकेतून गाझियाबादला संदेश पाठवल्यानंतर पोलिस त्याच्यापर्यंत केवळ 13 मिनिटांत पोहचले.

का करत होता आत्महत्या

अभय शुक्ला (23) हा कन्नौजचा रहिवासी आहे. सध्या तो गाझियाबादमध्ये राहतो. तो गुरुग्रामच्या कॅशिफाय कंपनीत काम करत होता. ही कंपनी जुन्या मोबाइल खरेदीचा व्यवहार करते. अभय डीलर्सकडून जुने फोन घेऊन कंपनीला देत होता. अभयला प्रत्येक मोबाईलवर 20% कमिशन मिळायचे.

अभयने ही नोकरी सोडली. त्यानंतर हे काम खासगीपणे करायला सुरुवात केली. मात्र त्यात तोटा झाला. त्याने आईकडून 90 हजार रुपये घेतले. आईने ही रक्कम अभयच्या बहिणीच्या लग्नासाठी ठेवली होती. ही रक्कमही बुडाल्याने अभय निराश झाला आणि आत्महत्या करण्यापर्यंत पोहोचला. पोलिसांनी त्याचे 6 तास समुपदेशन केले.

Non Stop LIVE Update
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले.
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत.
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.