उद्योजक हर्ष गोएंका म्हणतात, हिमालयातील अदृश्य साधू म्हणजे एक वेधक कथा; गोएंकांचे आणखीही काही सवाल

चित्रा रामकृष्ण

मुंबईः भारतातील NSE या शेअर बाजाराचे (Stock market) दिवसाचे व्यवहार हे 49 कोटींचे असतानाही त्याचा कारभार एका अज्ञात व्यक्तीच्या इशाऱ्यावर चालतो असे शेअर बाजाराच्या माजी सीईओ चित्रा रामकृष्ण (Chitra Ramakrishna) यांनी सांगितल्या नंतर अनेक जणांचे दाबे दणाणले आहेत. शेअर बाजाराच्या माजी सीईओ चित्रा रामकृष्ण यांनी आपण अज्ञात व्यक्तील शेअर बाजाराची गोपनीय माहिती (Confidential information) दिल्याचे त्यानीच सांगितले. त्यांनी असे जाहीर केल्यानंतर अनेक तर्कवितर्क लढविले जाऊ लागले आहेत.

हा सगळा गदारोळ चालू असतानाच प्रसिद्ध उद्योजक आणि नेहमी सोशल मीडियावर अ‍ॅक्टिव्ह असणारे हर्ष गोएंका यांनी एक ट्विट केले आहे. त्याट्विट मध्ये चित्रा रामाकृष्ण यांचा उल्लेख असून सुकेत चंद्रशेखर यांचाही त्यांनी त्यात उल्लेख केला आहे. आणि त्यांनी आपल्या ट्विटर हँडलवरुन ट्विट केले आहे की, अलीकडच्या काळातील एक वेधक कथा आहे. असं म्हणून त्यांनी सुकेत चंद्रशेखर ज्याने तुरुंगात बसलेल्या अभिनेत्रींना भुरळ घातली आणि ज्यांनी NSE चे CEO म्हणून हिमालयातील एका योगीकडून मार्गदर्शन घेतले तर मग ते सीओओ आनंद सुब्रमुनीन होते का असा सवालही त्यांनी केला आहे. त्यांनी केलेल्या ट्विटलाही यूजर्सनी मजेशीर प्रतिक्रिया दिल्या आहेत. त्यामुळे आता एनएसईचे प्रकरण सोशल मीडियावरुन आणखी तापणार असे दिसत आहे.

एनएसईसंबंधी अज्ञातांना गुप्त माहिती

या सर्व प्रकरणाची चौकशी करण्यासाठी चित्रा रामकृष्ण यांच्यावर आयकर विभागाकडून त्यांच्यावर धाड टाकली होती. यामुळे त्यांच्यावर आता एनएसईसंबंधी अज्ञातांना गुप्त माहिती पुरवल्याचा आरोप ठेवण्यात आला आहे.
चित्रा रामकृष्ण यांनी ज्यावेळी अज्ञात व्यक्तीचा उल्लेख केला त्याचवेळी त्यांच्यावर अनेक प्रकारचे आरोप करण्यात आले आहेत. चित्रा रामकृष्ण यांनी आर्थिक लाभासाठी हे कृत्य केल्याचा आरोप त्यांच्यावर ठेवण्यात आला आहे. एनएसईप्रकरणी चित्रा रामकृष्ण या प्रचंड बदनाम झाल्या आहेत. मागील काही दिवसांपूर्वी SEBI ने त्यांना 3 कोटी रुपयांचा दंडही ठोठावला होता. मुख्य धोरणात्मक अधिकारी म्हणून आनंद सुब्रमण्यम यांची नियुक्ती प्रक्रियेत अनियमितता केल्याप्रकरणी त्यांना ही शिक्षा सुनावण्यात आली होती.

देशातील सगळ्यात मोठा शेअर बाजार म्हणजे दिवसाला 49 कोटींचा व्यवहार असतानाही चित्रा रामकृष्ण यांनी अज्ञात साधूला सगळी अंतर्गत माहिती पुरवून त्यांच्या म्हणण्यानुसार सगळे चालले होते असे म्हटले आहे. ते हिमालयात राहतात असे म्हटले असतानाच हर्ष गोएंका यांनी आपल्या ट्विटमधून खोचक सवाल उपस्थित केला आहे.

संबंधित बातम्या

Supreme Court : सर्वसाधारण मते नोंदवू नका; सुप्रीम कोर्टाचा हायकोर्टांना सल्ला

Breaking : दिल्लीत सीमापुरी भागात संशयास्पद बॅग सापडल्यानं खळबळ, स्पेशल सेल आणि NSG कडून तपास सुरु

Video | जवाहरलाल नेहरुंचं नाव घेत सिंगापूरच्या पंतप्रधानांनी राजकारण्यांचे कान टोचले!