‘फेअर अँड लव्हली’चा ‘फेअर’ जाणार, हिंदुस्थान युनिलिव्हरकडून नाव बदलण्याची घोषणा

भारतातील प्रसिद्ध फेअरनेस क्रीम 'फेअर अँड लव्हली'च्या नावातून आता 'फेअर' हा शब्द काढण्यात येणार आहे (Hindustan Unilever remove Fair word from fairness cream).

'फेअर अँड लव्हली'चा 'फेअर' जाणार, हिंदुस्थान युनिलिव्हरकडून नाव बदलण्याची घोषणा
Follow us
| Updated on: Jun 25, 2020 | 5:00 PM

मुंबई : भारतातील प्रसिद्ध फेअरनेस क्रीम ‘फेअर अँड लव्हली’च्या नावातून आता ‘फेअर’ हा शब्द काढण्यात येणार आहे (Hindustan Unilever remove Fair word from fairness cream). फेअर अँड लव्हली क्रीमचं उत्पादन करणाऱ्या हिंदुस्थान युनिलिव्हर कंपनीने हा निर्णय घेतला आहे. ‘फेअर’ या शब्दावरुन कंपनीवर वर्णभेदाच्या मुद्यावरुन प्रचंड टीका होत असल्याने कंपनीने हा निर्णय घेतल्याची माहिती समोर येत आहे (Hindustan Unilever remove Fair word from fairness cream).

“‘फेअर अँड लव्हली’ क्रीमच्या नावातून ‘फेअर’ हा शब्द हटवला जाईल आणि नव्या नावासोबत प्रोडक्ट लाँन्च केलं जाईल”, अशी घोषणा हिंदुस्थान युनिलिव्हरने केली आहे. नव्या नावाबाबत मंजुरी मागितली असून त्यासाठी जवळपास एक ते दोन महिने लागतील, अशी माहितीदेखील कंपनीकडून देण्यात आली आहे.

याशिवाय कंपनी आता आपल्या सौंदर्यप्रसाधनाच्या उत्पादनांच्या नावामध्ये ‘फेअरनेस’, ‘व्हाइटनिंग’ आणि ‘लाईटनिंग’ या सारख्या शब्दांचा उल्लेख करणार नाही, असंदेखील कंपनीकडून स्पष्ट करण्यात आलं आहे.

हिदुस्थान युनिलिव्हर कंपनीने 1975 साली ‘फेअर अँड लव्हली क्रीम’ लाँन्च केली होती. देशभरात जवळपास 50 टक्के नागरिक ही क्रीम वापरतात. या क्रीमचा वापर केल्यानंतर चेहरा उजळतो, गोरा होता, असा दावा कंपनीच्या अनेक जाहिरातींमध्ये करण्यात आला आहे. त्यामुळे या कंपनीवर वर्णभेदाचा आरोप करत प्रचंड टीकादेखील झाली आहे.

‘फेअर अँड लव्हली क्रीम’मधून कंपनीने गेल्यावर्षी जवळपास 3.5 हजार कोटी रुपयांचा व्यवसाय केला होता. मात्र, वर्णभेदावरुन लोकांच्या मनात असलेल्या प्रचंड असंतोषाच्या पार्श्वभूमीवर कंपनीने नाव बदलण्याचा निर्णय घेतला आहे. याशिवाय हिंदुस्थान युनिलिव्हर कंपनीसह इतर काही कंपन्यादेखील आपल्या सौंदर्यप्रसाधनांच्या उत्पादनांची नाव बदलण्याच्या तयारीत आहेत.

सध्या जगभरात वर्णभेदावरुन असंतोष आहे. अमेरिकेत जॉर्ज फ्लाईड या कृष्णवर्णीय नागरिकाच्या मृत्यूनंतर वर्णभेदाविरोधात मोठं आंदोलन उभं राहिलं आहे. या आंदोलनाचे पडसाद जगभर उमटत आहेत. त्यातूनच हिंदुस्थान युनिलिव्हर कंपनीने हा निर्णय घेतल्याची चर्चा आहे.

दरम्यान, अमेरिकेत वर्णभेदावरुन सुरु असलेल्या या आंदोलनात काही दिवसांपूर्वी भारतीय अभिनेत्री प्रियंका चोप्रा आपल्या कुटुंबासह सहभागी झाली होती. तिने या आंदोलनात सहभागी झाल्याचे फोटो सोशल मीडियावर शेअर केले होते. त्यावेळी भारतातील फेअर अँण्ड लव्हली क्रीमच्या नावावरुन प्रियंकाला अनेकांनी प्रश्न विचारले होते.

हेही वाचा : Salon and Gym | अखेर सलून आणि जिम सुरु करण्यास राज्य सरकारची परवानगी

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.