ढाण्या वाघाची ग्रँड एण्ट्री! विंग कमांडर अभिनंदन पिस्तुलसह मायभूमीत!

वाघा बॉर्डर/नवी दिल्ली : पाकिस्तानच्या F16 या विमानाचा पाठलाग करुन त्याला जमिनीवर पाडणारा भारताचा ढाण्या वाघ, वायूदलाचा विंग कमांडर अभिनंदन वर्धमान अखेर पाकिस्तानच्या तावडीतून सुटून, मायदेशी परतला. वाघा बॉर्डरवर  अभिनंदन वर्धमान या विजयीवीराचं जल्लोषी स्वागत करण्यात आलं. ढोल-ताशे, हार तुऱ्यांसह भारतीय नागरिकांनी विंग कमांडर अभिनंदन वर्धमान यांचं स्वागत केलं.  पाकिस्तानी रेंजर्सने विंग कमांडर अभिनंदन यांची …

, ढाण्या वाघाची ग्रँड एण्ट्री! विंग कमांडर अभिनंदन पिस्तुलसह मायभूमीत!

वाघा बॉर्डर/नवी दिल्ली : पाकिस्तानच्या F16 या विमानाचा पाठलाग करुन त्याला जमिनीवर पाडणारा भारताचा ढाण्या वाघ, वायूदलाचा विंग कमांडर अभिनंदन वर्धमान अखेर पाकिस्तानच्या तावडीतून सुटून, मायदेशी परतला. वाघा बॉर्डरवर  अभिनंदन वर्धमान या विजयीवीराचं जल्लोषी स्वागत करण्यात आलं. ढोल-ताशे, हार तुऱ्यांसह भारतीय नागरिकांनी विंग कमांडर अभिनंदन वर्धमान यांचं स्वागत केलं.  पाकिस्तानी रेंजर्सने विंग कमांडर अभिनंदन यांची पिस्तुल परत करत, मानाने त्यांना पाठवलं. सीमेवर जवळपास 8 तासांची औपचारिकता पूर्ण करुन अभिनंदन भारतात परतले.

वाघा बॉर्डरवर भारतीय वायू दलाच्या अधिकाऱ्यांनी अभिनंदन यांचं स्वागत केलं. यावेळी विंग कमांडर अभिनंदन यांचे कुटुंबीयही उपस्थित होते. दरम्यान, पाकिस्तानकडून जाणीवपूर्वक भारतीय अधिकाऱ्यांना मानसिक त्रास देण्यात आला. कारण, दोन वेळा अभिनंदन यांना सुपूर्द करण्याची वेळ बदलण्यात आली. अखेर सव्वा नऊ वाजता त्यांनी वाघा बॉर्डरहून भारतीय भूमीवर पहिलं पाऊल ठेवलं.

अभिनंदन यांना वैद्यकीय तपासणीसाठी दिल्लीला नेलं जाईल. त्यांची पूर्ण वैद्यकीय तपासणी होईल. कारण, त्यांनी विमान अपघातातून स्वतःची सुटका करुन घेतली होती, अशी माहिती भारतीय वायूसेनेकडून देण्यात आली.

27 फेब्रुवारीपासून ते पाकिस्तानच्या ताब्यात होते, मात्र भारताने पाकिस्तानची कोंडी करत, अभिनंदन यांच्या केसालाही धक्का लागता कामा नये, असा इशारा दिला होता. त्यानंतर पाकिस्तानचे पंतप्रधान इम्रान खान यांनी कालच त्यांच्या संसदेत शांततेची भेट म्हणून विंग कमांडर अभिनंदन यांना सोडणार असल्याची घोषणा केली होती.

दरम्यान, भारताने आज वाघा बॉर्डरवरील बीटिंग रिट्रीट रद्द केली. भारताने पुलवामा हल्ल्याचा बदला म्हणून 26 फेब्रुवारीला पाकव्याप्त काश्मीरसह बालाकोट इथं दहशतवादी तळांवर हवाई हल्ला केला होता. त्यानंतर पाकिस्ताननेही F16 या अमेरिकन बनावटीच्या विमानांसह 27 फेब्रुवारीला भारतीय हवाई सीमेत घुसखोरी करुन भारतीय तळांवर बॉम्ब फेकण्याचा प्रयत्न केला होता. त्यावेळी पाकिस्तानी विमानांना हुसकावून लावताना, अभिनंदन वर्धमान यांनी पाकिस्तानचं विमान पाडलं. त्याचवेळी विंग कमांडर अभिनंदन यांच्या विमानालाही अपघात झाला आणि ते पाकव्याप्त काश्मीरमध्ये पाकिस्तानी आर्मीच्या ताब्यात सापडले. तेव्हापासून ते पाकिस्तानच्या ताब्यात होते.

कमेंट करा

कमेंट करा

Your email address will not be published. Required fields are marked *