LIVE : तब्बल 400 वर्षांनी गुरु आणि शनीचं मिलन, हा दुर्मिळ योग बघायला विसरु नका

मुंबई : 21 डिसेंबर म्हणजेच आजच्या रात्री जर ढगाळ वातावारण नसेल तर तुम्हाला चांदण्या रात्री चंद्राच्या आजूबाजूला आणखी दोन ग्रहांचं मिलन बघायला मिळणार आहे (Jupiter-Saturn Conjunction LIVE). हे दोन ग्रह म्हणजे गुरु आणि शनी. विशेष म्हणजे 17 जुलै 1623 नंतर आज पहिल्यांदा हे दोन ग्रह एकमेकांच्या इतक्या जवळ येणार आहेत. या दोन ग्रहांमधील अंतर फक्त 0.1 डिग्री इतकं असेल.

या अनोख्या नजाऱ्याला तुम्ही सहज पाहू शकणार आहात. दोन्ही ग्रह चार शतकांनी जवळ येणार आहेत. असं जवळपास 400 वर्षांनंतर पहिल्यांदा घडत आहे. मात्र, त्यावेळी दोघांमधील अंतर 13 डिग्री इतकं होतं. मात्र, यावेळी हेच अंतर 0.1 डिग्री इतकं असणार आहे. विशेष म्हणजे हा नजारा आज नंतर थेट 15 मार्च 2080 रोजी बघायला मिळेल. त्यामुळे हा नजारा पाहण्याचा आपल्यासाठी सुवर्ण क्षण आहे.

अमेरिकेच्या अंतराळ संस्था नासाने दिलेल्या माहितीनुसार, आपल्या सौर मंडळात दोन मोठे ग्रह जवळ येणं हे फारसं दुर्मीळ नाही. पण गुरू हा ग्रह त्याच्या जवळ असणाऱ्या शनी ग्रहाजवळ प्रत्येक 20 वर्षानंतर जातो. पण या ग्रहांचं आता जवळ येणं खूप विशेष आहे. शास्त्रज्ञांचे म्हणणे आहे की, त्यांच्या अंदाजे या दोन ग्रहांमधील अंतर फक्त 0.1 डिग्री असेल. जर हवामान अनुकूल असेल तर सूर्यास्तानंतर जगातल्या कुठल्याही कोपऱ्यातून तुम्ही हे ग्रहांचं मिलन पाहू शकता.

21 डिसेंबर 2020 रोजी म्हणजे आज दोन्ही ग्रह जवळ येणार आहेत. तो दिवस वर्षाचा सर्वात लहान दिवस मानला जातो. वँडरबिल्ट विद्यापीठातील खगोलशास्त्राचे प्राध्यापक डेव्हिड वेन्ट्रॉब याविषयी म्हणाले की, ही घटना एखाद्या व्यक्तीच्या जीवनात फक्त एकदाच घडते. त्यामुळे तुम्ही विचार करू शकता हा क्षण सर्वांसाठी किती महत्त्वाचा आहे.

397 वर्षानंतर गुरू आणि शनी पुन्हा जवळ येणार

आश्चर्याची बाब म्हणजे जुलै 1623 मध्ये हे दोन्ही ग्रह इतके जवळ आले होते. पण सूर्याजवळ असल्यामुळे त्यांना पाहणं जवळजवळ अशक्य होतं. यानंतर, मार्चमध्ये 1226 पूर्वी, दोन ग्रह जवळ आले आणि ही घटना पृथ्वीवरुन पाहिली गेली होती.

Published On - Dec 21,2020 8:10 PM