ममतांच्या माजी खासदाराला भाजप विधानसभेच्या रिंगणात उतरवणार?
मोहन भागवत यांच्या माध्यमातून भाजप मिथुन चक्रवर्तींना आपल्याकडे खेचण्याची शक्यता नाकारता येत नाही. (Mithun Chakraborty West Bengal Vidhansabha)
मुंबई : सरसंघचालक मोहन भागवत (Mohan Bhagwat) यांनी प्रख्यात अभिनेते मिथुन चक्रवर्ती (Mithun Chakraborty) यांची भेट घेतल्यानंतर राजकीय वर्तुळात तर्कवितर्कांना उधाण आलं आहे. पश्चिम बंगालच्या मुख्यमंत्री ममता बॅनर्जी यांच्या तृणमूल काँग्रेस पक्षाचे खासदारपद भूषवलेल्या चक्रवर्तींना भाजप भागवतांच्या माध्यमातून आपल्याकडे खेचण्याचा प्रयत्न करत आहे का, असा सवाल या निमित्ताने उपस्थित होत आहे. (Mithun Chakraborty might be West Bengal Vidhansabha BJP Candidate)
सरसंघचालक मोहन भागवत आज सकाळी अंदाजे सव्वानऊ वाजता मिथुन चक्रवर्ती यांच्या मुंबईतील निवासस्थानी पोहोचले होते. भागवत आणि मिथुन चक्रवर्ती यांच्यात दीड तासापेक्षा जास्त काळ चर्चा रंगली होती. ही भेट कौटुंबिक स्वरुपाची असल्याचा दावा चक्रवर्तींनी केला, परंतु आगामी पश्चिम बंगाल निवडणुकीच्या पार्श्वभूमीवर या भेटीला राजकीय महत्त्व आहे.
“राजकीय नव्हे, कौटुंबिक भेट”
मोहन भागवतांसोबत झालेली भेट कौटुंबिक होती. खूप दिवसापासून आम्हाला भेटायचं होतं. पण आमच्या व्यस्त कार्यक्रमांमुळे वेळ मिळत नव्हता, असं चक्रवर्तींनी सांगितलं. मोहन भागवत यांनी आज घरी येऊन नाश्ता केला. नागपूरला त्यांनी मला सहकुटुंब बोलवलं आहे, असंही मिथुन चक्रवर्तींनी सांगितलं.
चक्रवर्ती-भागवत यांची आधीही भेट
मिथुन चक्रवर्ती आणि मोहन भागवत यांची ही पहिलीच भेट नाही. ऑक्टोबर 2019 मध्येही दोघांची भेट झाली होती. नागपुरातील संघ कार्यालयात त्यावेळी दोघे भेटले होते.
मिथुन चक्रवर्ती तृणमूलचे माजी खासदार
पश्चिम बंगाल निवडणुका तोंडावर असल्याने राजकीय वातावरण तापण्यास सुरुवात झाली आहे. मिथुन चक्रवर्ती हे ममता बॅनर्जी यांच्या तृणमूल काँग्रेस पक्षाचे राज्यसभा खासदार होते. मात्र वारंवार गैरहजेरीच्या कारणास्तव त्यांनी स्वतःहून खासदारकीचा राजीनामा दिला होता. (Mithun Chakraborty might be West Bengal Vidhansabha BJP Candidate)
Maharashtra: RSS chief Mohan Bhagwat meets actor Mithun Chakraborty at the latter’s residence in Mumbai. Visuals from outside his residence. pic.twitter.com/U3LIkLG8Tv
— ANI (@ANI) February 16, 2021
भाजपचा चक्रवर्तींवर डोळा?
पश्चिम बंगाल निवडणुकांमध्ये भाजप मिथुन चक्रवर्तींना विधानसभेच्या रिंगणात उतरवण्याची शक्यता आहे. त्यामुळे मिथुन यांची भेट घेऊन मोहन भागवत यांच्या माध्यमातून भाजप चक्रवर्तींना आपल्याकडे खेचण्याची शक्यता नाकारता येत नाही.
संबंधित बातम्या :
मिथुन चक्रवर्तीला त्यांची मुलं ‘पप्पा’ म्हणत नाहीत, कारण…
मोहन भागवत अभिनेते मिथुन चक्रवर्तींच्या घरी
(Mithun Chakraborty might be West Bengal Vidhansabha BJP Candidate)
