Petrol Diesel Rate: पेट्रोलवरील टॅक्स वाढताच पेट्रोल-डिझेलच्या किंमती वाढल्या? आजचा नवीन रेट काय?

Petrol Diesel Rate Today: घसरण होऊनही, आंतरराष्ट्रीय बेंचमार्क ब्रेंट क्रूड तेलाची किंमत अजूनही प्रति बॅरल ९५ डॉलरपेक्षा जास्त आहे. दरम्यान, सरकारी मालकीच्या तेल विपणन कंपन्या एचपीसीएल, आयओसीएल आणि भारत पेट्रोलियमने ३ सप्टेंबरसाठी पेट्रोल आणि डिझेलचे दर जाहीर केले आहेत. ब्लूमबर्गच्या माहितीनुसार, सकाळी वेस्ट टेक्सास इंटरमीडिएट (डब्ल्यूटीआय) क्रूड तेलाचा भाव ९०.७८ डॉलर होता, तर आंतरराष्ट्रीय बेंचमार्क ब्रेंट क्रूड तेलाचा भाव ९५.२० डॉलर होता.

आज देशात सर्वात स्वस्त तेल पोर्ट ब्लेअरमध्ये आहे. मुंबईत पेट्रोलची किंमत प्रति लिटर १११.२१ रुपये, तर डिझेलची किंमत ९७.८३ रुपये आहे. देशाची आर्थिक राजधानी मुंबईमध्ये व्यावसायिक सिलेंडरची किंमत ₹२७०१ आणि घरगुती सिलेंडरची किंमत ₹९४१.५० आहे.  इंद्रप्रस्थ गॅस लिमिटेडने (IGL) २९ ऑगस्ट रोजी सीएनजीच्या दरात प्रति किलो ३.८९ रुपयांची वाढ केल्यापासून कोणताही बदल झालेला नाही.

केंद्र सरकारने पेट्रोल, डिझेल आणि एव्हिएशन टर्बाइन फ्युएल (एटीएफ) च्या निर्यातीवरील विंडफॉल टॅक्ससाठी नवीन दर जाहीर केले आहेत. या विंडफॉल टॅक्समध्ये एसएईडी आणि आरआयसी यांचा समावेश आहे. अर्थ मंत्रालयाच्या महसूल विभागाने जारी केलेल्या अधिसूचनेनुसार, आंतरराष्ट्रीय बाजारातील कच्चे तेल आणि शुद्ध पेट्रोलियम उत्पादनांच्या सरासरी किमतींचा आढावा घेऊन ही सुधारणा करण्यात आली आहे.

आंतरराष्ट्रीय तेलाच्या किमतींमधील चढ-उतारानुसार सरकार दर १५ दिवसांनी या दरांचा आढावा घेते. यापूर्वीचा दर बदल १५ ऑगस्ट २०२६ रोजी करण्यात आला होता.अर्थ मंत्रालयाने स्पष्ट केले आहे की, निर्यात शुल्कातील या सुधारणेचा देशांतर्गत बाजारात विकल्या जाणाऱ्या पेट्रोल आणि डिझेलच्या किरकोळ किमतींवर परिणाम होणार नाही. देशांतर्गत वापरासाठी निर्यात होणाऱ्या पेट्रोल आणि डिझेलवरील सध्याचे केंद्रीय उत्पादन शुल्क अपरिवर्तित राहील, म्हणजेच ग्राहकांना कोणताही अतिरिक्त खर्च येणार नाही. यामुळे देशांतर्गत वाहतूक क्षेत्रावर कोणताही अतिरिक्त आर्थिक भार पडणार नाही. यामुळे ग्राहकांना तसा दिलासाच मिळाला आहे यामुळे खिशावर भार कमी पडणार आहे.