ना ऑडिशन, ना कोणतीही मेहनत, फक्त फेसबुकवरील फोटोमुळे बदललं नशीब, बनली टॉपची अभिनेत्री, सौंदर्या पाहून…
इंडस्ट्रीमधील एकमेव अभिनेत्री जिने ऑडिशन न देता, ना कोणतीही मेहनत घेता फक्त फेसबुकवरील एका फोटोमुळे बनली टॉपची अभिनेत्री. आज सौंदर्यामुळे प्रचंड चर्चेत.
चित्रपटसृष्टीत नाव कमावण्याचं स्वप्न घेऊन दररोज हजारो तरुण-तरुणी ऑडिशन देत असतात. मात्र, काहींचं नशीब असं खुलतं की संधी त्यांच्यापर्यंत स्वतःहून चालत येते. अशीच एक अभिनेत्री जिचे फेसबुकवरील फोटोने बदललं आयुष्य.
ही अभिनेत्री दुसरी तिसरी कोणी नसून ती संयुक्ता मेनन आहे. संयुक्ताच्या अभिनय प्रवासाची सुरुवात अत्यंत अनोख्या पद्धतीने झाली. कॉलेजला जाण्याच्या आधीच तिचा एक साधा फोटो सोशल मीडियावर व्हायरल झाला.
एका फोटोग्राफरच्या नजरेत तो फोटो भरला आणि त्यानंतर संयुक्ताला एका प्रसिद्ध मासिकाच्या कव्हर पेजसाठी फोटोशूटची संधी मिळाली. याच फोटोमुळे एका चित्रपट निर्मात्याचे लक्ष तिच्याकडे गेले आणि कोणतीही ऑडिशन न देता तिला थेट पहिल्या चित्रपटाची ऑफर मिळाली. अशा प्रकारे संयुक्ताचा अभिनय प्रवास सुरू झाला.
संयुक्ता म्हणाली, संधी मिळणं सोपं होतं, पण त्या संधीचं सोनं करणं आणि इंडस्ट्रीत टिकून राहणं तितकंच कठीण आहे. अभिनय कौशल्य विकसित करण्यासाठी आणि स्वतःला सिद्ध करण्यासाठी तिने खूप मेहनत घेतली.
आता संयुक्ता हिंदी चित्रपटसृष्टीत पदार्पण करण्यासाठी सज्ज झाली आहे. ती लवकरच काजोलच्या प्रमुख भूमिकेतील ‘महारांगिनी: क्वीन ऑफ क्वीन्स’ या चित्रपटातून बॉलिवूडमध्ये पाऊल ठेवणार आहे. या चित्रपटात तिच्यासोबत तब्बू देखील महत्त्वाच्या भूमिकेत दिसणार आहे.
