आई गं.., किती गोड दिसतेय, गणेशोत्सवानिमित्त मराठी अभिनेत्रीने शेअर केला खास लूक, होतंय प्रचंड कौतुक
कमळी फेम मराठी अभिनेत्री विजयाने गणेशोत्सवानिमित्त शेअर केले साडीमधील सुंदर फोटो. पैठणी साडीमधील सौंदर्य पाहून सर्वच घायाळ.
झी मराठीवरील लोकप्रिय मालिका ‘कमळी’ सध्या प्रेक्षकांच्या पसंतीस उतरत आहे. या मालिकेत अभिनेत्री विजया बाबर ही ‘कमळी’ची मुख्य भूमिका साकारत असून आपल्या अभिनयाने तिने प्रेक्षकांच्या मनात विशेष स्थान निर्माण केलं आहे.
गणेशोत्सवाच्या निमित्ताने विजयाने सोशल मीडियावर आपला खास पारंपरिक लूक शेअर केला आहे. तिच्या या लूकने चाहत्यांचे लक्ष वेधून घेतलं असून, निळ्या रंगाच्या पैठणी साडीतील तिच्या सौंदर्याची सध्या चांगलीच चर्चा होत आहे.
“गणेशोत्सव म्हणजे उत्साह, भक्ती आणि चैतन्याचा सण!” असं म्हणत विजयाने या खास सणानिमित्त आपला पारंपरिक अंदाज चाहत्यांसोबत शेअर केला.
या पारंपरिक लूकला उठाव देण्यासाठी विजयाने नथ, कानातले, हार आणि बांगड्या असे पारंपरिक दागिने परिधान केले होते. कपाळावरची छोटीशी टिकली, हलका मेकअप आणि केसांमध्ये माळलेला गजरा यामुळे तिच्या लूकमध्ये आणखी खुलून आला.
विजयाचा हा साधा, पारंपरिक आणि प्रसन्न लूक चाहत्यांना विशेष आवडला आहे. गणेशोत्सवाच्या उत्साहात विजयाने साकारलेला हा मराठमोळा अंदाज सोशल मीडियावरही चर्चेचा विषय ठरत आहे.
