तापसीनंतर अदिती राव हैदरीने गुपचूप उरकलं लग्न; ‘रंग दे बसंती’ फेम अभिनेत्याशी विवाहबद्ध
अभिनेत्री तापसी पन्नूनंतर आता अदिती राव हैदरीनेही बॉयफ्रेंड सिद्धार्थशी गुपचूप लग्न केल्याची माहिती समोर येत आहे. तेलंगणामधील एका मंदिरात या दोघांनी लग्नगाठ बांधली आहे. सिद्धार्थ आणि अदिती हे गेल्या काही वर्षांपासून एकमेकांना डेट करत होते.
अभिनेत्री अदिती राव हैदरीने बॉयफ्रेंड सिद्धार्थशी तेलंगणामधील एका मंदिरात गुपचूप लग्न केल्याचं कळतंय. गेल्या काही वर्षांपासून हे दोघं एकमेकांना डेट करत होते. विविध कार्यक्रमांमध्येही सिद्धार्थ-अदितीला एकत्र पाहिलं गेलंय.
सिद्धार्थ आणि अदिती हे सोशल मीडियावर एकमेकांसोबतचे फोटो, व्हिडीओ पोस्ट करायचे. मात्र दोघांनी कधीच नात्याविषयी प्रतिक्रिया दिली नाही. बुधवारी (27 मार्च) या दोघांनी तेलंगणामधील एका मंदिरात लग्न केल्याची माहिती समोर येत आहे.
'ग्रेट आंध्र'ने दिलेल्या वृत्तानुसार, तेलंगणामधील वनपार्थी जिल्ह्यातील श्रीरंगपुरमइथल्या रंगनायकस्वामी मंदिरात या दोघांनी लग्न केलं. हे दोघं लवकरच त्यांच्या लग्नाची अधिकृत घोषणा करणार आहेत.
2021 मध्ये ‘महा समुद्रम’ या चित्रपटाच्या सेटवर अदिती आणि सिद्धार्थ एकमेकांच्या प्रेमात पडले. गेल्या वर्षी अदितीच्या 36 व्या वाढदिवशी, सिद्धार्थने तिच्यासोबतचा खास फोटो पोस्ट करत वाढदिवसाच्या शुभेच्छा दिल्या होत्या. तेव्हापासून त्यांच्या डेटिंगच्या चर्चांवर चाहत्यांनी शिक्कामोर्तब केला.
अदिती आणि सिद्धार्थचं पहिलं लग्न अयशस्वी ठरलं. सिद्धार्थने 2003 मध्ये लग्न केलं होतं. मात्र हे लग्न फार काळ टिकलं नाही. 2007 मध्ये त्याने घटस्फोट घेतला. तर अदितीचं पहिलं लग्न सत्यदीप नावाच्या व्यक्तीशी झालं होतं. दोघांनी लग्नाची बातमी उघड केली नव्हती. मात्र घटस्फोटानंतर दोघांचं नातं सर्वांसमोर आलं होतं.