इमरान हाश्मीसोबत किसिंग सिन दिला, आता हिरोईन म्हणते आम्ही भाऊ-बहीण…प्रसिद्ध अभिनेत्रीने सांगून टाकलं!
इमरान हाश्मीसोबत प्रचंड इंटीमेट आणि किसिंग सीन देणाऱ्या तनुश्री दत्ताचा मोठा खुलासा. सांगितलं दोघांमधील नात.
21 वर्षांपूर्वी प्रदर्शित झालेला ‘आशिक बनाया आपने’ हा चित्रपट आजही प्रेक्षकांच्या लक्षात आहे. इमरान हाश्मी आणि तनुश्री दत्ता यांच्या रोमँटिक केमिस्ट्रीमुळे हा चित्रपट विशेष चर्चेत आला होता. चित्रपटातील बोल्ड आणि किसिंग सीन्समुळे त्यावेळी या जोडीची मोठी चर्चा झाली होती.
मात्र, पडद्यावर रोमँटिक दिसणाऱ्या या जोडीचं ऑफस्क्रीन नातं मात्र पूर्णपणे वेगळं होतं असा खुलासा तनुश्री दत्ताने केला आहे. एका मुलाखतीत तनुश्रीने इम्रान हाश्मीसोबतच्या नात्याबाबत बोलताना स्पष्ट केलं की, त्यांच्यात कधीही अफेअर किंवा कोणतंही वैयक्तिक नातं नव्हतं.
कॅमेऱ्यासमोर दोघांनी कितीही रोमँटिक आणि बोल्ड सीन्स केले असले तरी शूटिंगनंतर त्यांच्यातील नातं भावा-बहिणीसारखं होतं. दोघेही सेटवर चांगले मित्र म्हणून काम करत असल्याचं तिने सांगितलं.
चित्रपटातील किसिंग सीन्सबाबतही तनुश्रीने आपला अनुभव सांगितला. पडद्यावर एखादा रोमँटिक सीन आकर्षक दिसण्यासाठी कॅमेरा अँगल, लाईटिंग, शॉट आणि कलाकारांच्या हालचाली यांचा मोठा वाटा असतो. अशा सीन्सच्या शूटिंगदरम्यान कलाकारांचं लक्ष अभिनयासोबतच कॅमेऱ्यासमोर योग्य पोझिशन आणि शॉट व्यवस्थित दिसतोय की नाही यावर असतं असं तिने स्पष्ट केलं.
तनुश्रीच्या म्हणण्यानुसार, पडद्यावर रोमँटिक किंवा किसिंग सीन पाहताना प्रेक्षकांना तो वेगळ्या पद्धतीने जाणवू शकतो; मात्र प्रत्यक्ष शूटिंगच्या वेळी कलाकारांसाठी परिस्थिती तितकी रोमँटिक नसते. कॅमेरा, लाईट्स आणि दिग्दर्शकाच्या सूचनांमध्ये लक्ष असल्याने अशा सीन्समध्ये कोणतीही मजा नसते असं तिने स्पष्टपणे सांगितलं.
