घराचं काम बघताना सुचलं गाणं, ठरलं प्रचंड सुपरहिट, 53 वर्षांपासून प्रत्येकाचं आवडतं, 100 वेळा ऐकलं तरी…
एक रिकाम घर आणि फिरता फिरता सुचलं गाणं, जे गेल्या 53 वर्षांपासून प्रेक्षकांच्या मनावर करत आहे राज्य. लता मंगेशकर आणि शैलेंद्र यांच्या आवाजामुळे आजही ऐकू आलं तर लोक दिवसभर हेच गाणं गुणगुणतात.
70 च्या दशकात हिंदी चित्रपटसृष्टीत प्रेमकथा सादर करण्याची पद्धतच वेगळी होती. याच काळात राज कपूर यांच्या ‘बॉबी’ चित्रपटाने रुपेरी पडद्यावरच्या रोमँटिक प्रेमकथेला नवी ओळख मिळवून दिली.
ऋषी कपूर आणि डिंपल कपाडिया यांच्या निरागस प्रेमकथेने प्रेक्षकांची मने जिंकली तर चित्रपटातील गाण्यांनी ‘बॉबी’ला कायमस्वरूपी अजरामर केले.
यातील ‘हम तुम एक कमरे में बंद हों और चाबी खो जाए’ हे गाणं आजही जुन्या काळातील लोकप्रिय रोमँटिक गाण्यांमध्ये आवर्जून घेतले जाते. लता मंगेशकर आणि शैलेंद्र सिंह यांच्या आवाजाने या गाण्याला खास रंगत दिली.
या गाण्यामागची कहाणीही तितकीच रंजक आहे. संगीतकार लक्ष्मीकांत आपल्या बांधकाम सुरू असलेल्या घराची पाहणी करत असताना त्यांच्यासोबत गीतकार आनंद बक्षीही होते.
घरात फिरताना कुठून जायचे, कुठे वळायचे याबाबत गमतीशीर परिस्थिती निर्माण झाली. याच प्रसंगातून दोघांच्या मनात एका गाण्याची कल्पना आली. पुढे राज कपूर यांनी ‘बॉबी’च्या कथेत ही कल्पना योग्य प्रकारे बसवण्यासाठी प्रसंग तयार केला.
