एका रात्रीत स्टार बनली ही अभिनेत्री, सौंदर्य पाहून निर्माते पैशांची बॅग घेऊन जायचे घरी, पण एका अपघाताने बदललं आयुष्य
1990 मध्ये आशिकी या चित्रपटातून एका रात्रीत स्टार बनलेली ही अभिनेत्री, जिला चित्रपटात घेण्यासाठी निर्माते पैशांची बॅग घेऊन जायचे तिच्या घरी. सौंदर्यामध्ये देत होती टॉपच्या अभिनेत्रींना टक्कतर.
बॉलिवूडमध्ये नशीब कधी कोणाला साथ देऊन आणि कधी साथ सोडेल याचा काही नेम नाही. अशीच एक अभिनेत्री जी एका चित्रपटामुळे एका रात्रीत बनली स्टार. त्यानंतर निर्माते पैशांची बॅग घेऊन तिच्या घरी ऑफर्स घेऊन यायचे.
ही अभिनेत्री म्हणजे ‘आशिकी’ फेम अनु अग्रवाल. अभिनेत्रीच्या आयुष्यातही असाच एक मोठा चढ-उतार पाहायला मिळाला. एका अपघाताने तिचे करिअर जवळपास संपुष्टात आले पण तिने त्यालाच नव्या आयुष्याची सुरुवात मानली.
अनु अग्रवाल आशिकी या चित्रपटामुळे रातोरात स्टार बनली. या चित्रपटाने तिला प्रचंड लोकप्रियता मिळवून दिली. त्या काळात निर्माते तिला साइन करण्यासाठी मोठमोठ्या ऑफर्स घेऊन येत होते. पण 1999 साली झालेल्या भीषण कार अपघाताने तिच्या आयुष्याला वेगळंच वळण दिलं.
या अपघातात तिला गंभीर दुखापत झाली आणि दीर्घकाळ उपचार घ्यावे लागले. अलीकडेच तिने एक धक्कादायक अनुभव शेअर केला. अपघातानंतर रुग्णालयात उपचार सुरू असताना तिला चुकीच्या नसामध्ये इंजेक्शन देण्यात आले होते, ज्यामुळे ती पुन्हा बेशुद्ध झाली.
या सगळ्या परिस्थितीतही तिची जिद्द कमी झाली नाही. शुद्धीवर आल्यानंतर दुसऱ्याच दिवशी ती थेट चित्रपटाच्या सेटवर पोहोचली आणि तिने चित्रपटाचे शूटिंग केलं. आज ती चित्रपटांमध्ये सक्रिय नसली तरी तिचा जीवनाकडे पाहण्याचा दृष्टिकोन अत्यंत सकारात्मक आहे.
