महाराष्ट्र हादरला! 58 वर्षीय शिक्षकाचा 3 विद्यार्थिनींवर लैंगिक अत्याचार; प्रकरण समोर येताच…
बुलढाणा जिल्ह्यात एक धक्कादायक घटना समोर आली आहे. शाळेत शिकवणाऱ्या एका शिक्षकानेच तीन विद्यार्थिनींवर अत्याचार केला आहे. या घनटेनंतर
बुलढाणा जिल्ह्यातील मेहकर तालुक्यातील एका गावातील जिल्हा परिषदेच्या प्राथमिक शाळेत धक्कादायक प्रकार समोर आला आहे. इयत्ता तिसरीत शिकणाऱ्या तीन विद्यार्थिनींसोबत 58 वर्षीय शिक्षकाने लैंगिक अत्याचार केल्याचं उघडकीस आलं आहे.
आज सकाळी हा प्रकार उघडकीस आल्यावर गावातील नागरिकांनि शेकडोच्या संख्येने शाळेकडे धाव घेतली. नराधम शिक्षकाला नागरिकांनी तसेच महिलांनी या शिक्षकाला चागलाच चांगला चोप दिला.
या घटनेची माहिती डोनगाव पोलिसांना देण्यात आली व पोलिसांनी संशयित आरोपी शिक्षकाला (महादेव आत्माराम मानतोडे) ताब्यात घेतलं. गावकरी पोलिसांना या शिक्षकाला घेऊन जाण्यास मज्जाव करत होते.
वाद वाढू नये म्हणून पोलिसांनी ग्रामस्थांना समजावून आरोपीला ताब्यात घेतले आहे. सध्या पीडित मुलींचा जबाब घेणे सुरू आहे. पीडित मुलींच्या जबाबानंतर गुन्हा दाखल होईल असे पोलिसांनी सांगितले आहे.
विशेष म्हणजे हा नराधम शिक्षक येत्या 31 मे रोजी सेवानिवृत्त होणार आहे. सध्या डॉनगाव पोलीस ठाण्यात गुन्हा दाखल करण्यात आला असून तपासाला सुरुवात करण्यात आली आहे.
