‘मैं अपनी मर्जी से कन्वर्ट हुई’, त्या अफवांवर अभिनेत्रीने केला मोठा खुलासा, सांगितलं कारण
'मैं अपनी मर्जी से कन्वर्ट हुई', अभिनेत्री चाहत खन्नाचा धक्कादायक खुलासा. नेमकं काय घडलं?
‘बड़े अच्छे लगते हैं’ या मालिकेमुळे घराघरात ओळख निर्माण करणाऱ्या अभिनेत्री चाहत खन्ना हिने पुन्हा एकदा आपल्या धर्मपरिवर्तनाच्या निर्णयाबाबत स्पष्ट भूमिका मांडली आहे. आपल्या वक्तव्यांचा अनेकदा चुकीचा अर्थ लावला जातो आणि त्यातून गैरसमज पसरतात असे ती म्हणाली.
अलीकडे सुभोजित घोष यांच्याशी संवाद साधताना चाहतने इस्लाम धर्म स्वीकारण्यामागील कारणांबाबत सविस्तर माहिती दिली. तिने स्पष्ट केले की, फरहान मिर्जा यांच्याशी लग्न करण्यापूर्वी इस्लाम धर्म स्वीकारण्याचा निर्णय पूर्णपणे तिचा स्वतःचा होता. माझ्या शब्दांचा चुकीचा अर्थ काढला जातो. मी काही बोलले की त्यातील एक वाक्य वेगळ्या संदर्भात वापरले जाते असे ती म्हणाली.
चाहत खन्नाने स्वतःला सेक्युलर व्यक्ती असल्याचे सांगितले. मी ईद आणि दिवाळी दोन्ही सण साजरे करते. मी इस्लामही मानते आणि सनातन धर्मावरही माझा विश्वास आहे. पण याचा अर्थ इतर धर्मांवर विश्वास नाही असे नाही असे तिने स्पष्ट केले. तिने हेही सांगितले की धर्मपरिवर्तनासाठी तिच्यावर कोणताही दबाव नव्हता.
तलाकानंतर तिच्या आयुष्याबद्दल अनेक नकारात्मक बातम्या पसरल्या. यामुळे ती मानसिकदृष्ट्या खचली होती. ती निराश, दुखी आणि घाबरलेली होती. माझ्या नावाशी नकारात्मक गोष्टी जोडल्या जात होत्या. मला काम मिळणार नाही अशी भीतीही वाटत होती असे त्यांनी सांगितले.
2024 मध्ये ‘टेली टॉक इंडिया’ला दिलेल्या मुलाखतीत चाहतने सांगितले होते की, धर्मपरिवर्तनाचा त्यांना पश्चात्ताप नाही. इस्लाममधील शिकवणींमधून तिने बरेच काही शिकले, जरी नंतर ती पुन्हा सनातन धर्मात परतली. धर्मपरिवर्तनाच्या काळात काही गोष्टींनी तिला गोंधळात टाकले होते.
