पुण्यात २१ हजार पाणीपुरीपासून तयार झाला गणपती बाप्पा, पाहण्यासाठी होतेय गर्दी…
पुणे तिथे काय उणे असं उगाचच म्हणत नाहीत. या म्हणीची प्रचिती सध्या पुण्यातील फर्ग्युसन रोडवर येत आहे. येथे चक्क पाणीपुरींपासून गणपती तयार करण्यात आला आहे.
पाणीपुरी पासून साकारलेला गणपती पाहून येत आहे पर्यावरण पूरक अनोख्या गणपती बाप्पा सर्वांचं लक्ष वेधत आहेत त्याचा आढावा घेतला आहे, टीव्ही ९ मराठीचे प्रतिनिधी लक्ष्मण जाधव यांनी...
पुण्याच्या गणेशोत्सवाला मोठी परंपरा आहे. पुण्याच्या गणपतींची आरास पाहण्यासाठी दुरवरुन भक्त लोक येत असतात. यंदा पाणी पुरी पासून तयार केलेला गणपती बाप्पा सर्वांचे लक्ष वेधत आहे.पाणीपुरीच्या २१ हजार पुऱ्यांपासून तब्बल १३ फूट उंच आणि ११ फूट रुंद गणपती बाप्पाची मूर्ती पुण्यातील फर्ग्युसन रोडवरील गणेश भेळ यांनी साकारली आहे.
पाणी पुरीमधील गोल पुऱ्यांचा वापर करुन गणपती बाप्पाची मूर्ती साकारण्यात आली आहे. ही अनोखी गणेश मूर्ती पाहण्यासाठी मोठी गर्दी होत आहे. ही गणेशमूर्ती तब्बल २१ हजार पाणीपुरींपासून तयार करण्यात आली आहे. पाणीपुरीपासून १३ फूटांचा गणपती बाप्पा साकारण्यात आली आहे.
२०१८ साली देखील पुण्यातील एका गणेश मंडळाने १०,००० पाणीपुरींच्या वापर करुन गणेश मूर्ती साकारण्यात आली होती.
