अखेर व्हायचं तेच झालं! सोन्याचा भाव प्रचंड वाढला; युद्ध संपताच 10 ग्रॅमची किंमत थेट….
युद्धाच्या काळात सोन्याच भाव कमी होताना पाहायला मिळाले. आता पुन्हा एकाद सोन्याचा भाव वाढला आहे. एकाच दिवसात सोनं चांगलंच महागलं आहे. त्यामुळे भविष्यातही अशीच स्थिती राहणार का, असे विचारले जात आहे.
गेल्या काही दिवसांपासून सोन्याचा भाव कमी होत होता. जागतिक पातळीवर अनिश्चिततेची स्थिती असूनही सोन्याचा भाव वाढण्याऐवजी कमी होताना पाहायला मिळाले. युद्धाच्या काळात सुरक्षित गुतंवणूक म्हणून लोक सोन्यात गुंतवणूक करतात.
सोन्यात गुंतवणूक वाढल्यामुळे अशा स्थितीत भावदेखील चांगलाच वाढतो. परंतु युद्धाच्या काळात अमेरिकन डॉलर मजबूत झाल्याने लोकांनी सोन्याकडे पाठ फिरवली. परिणामी सोन्यात घसरण झालेली पाहायला मिळाली. दरम्यान, आता युद्धविराम झाला आहे.
इराण आणि अमेरिका यांच्यात दोन आठवड्यांसाठी युद्धविराम झाला आहे. त्यामुळे त्याचा परिणामही आता सोन्याच्या भावावर पाहायला मिळाला. युद्धविरामानंतर अवघ्या काही तासांतच सोन्याचा भाव वाढला आहे. आता 10 ग्रॅम सोनं खरेदी करण्यासाठी जास्त पैसे मोजावे लागणार आहेत.
मुंबईत 24 कॅरेट सोन्याचा भाव 153820 रुपये प्रति 10 ग्रॅमपर्यंत वाढला. हाच भाव मंगळवारी 149840 रुपये प्रति 10 ग्रॅम होता. म्हणजेच सोन्याचा भाव साधारण 3980 रुपयांनी वधारला आहे. 7 एप्रिल रोजीच्या किमतीच्या तुलनेत सोन्याची ही वाढ साधारण 2.66 टक्के आहे
(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)
