Gold Rate : चांदीचा भाव 16,600 रुपयांनी घसरला, सोन्याचा भावही क्रॅश, आता 10 ग्रॅमची किंमत…
सोने आणि चांदीच्या भावात आज घसरण झाली आहे. चांदी एकाच दिवसात 16,600 रुपयांनी घसरली आहे. त्यामुळे आता सोनं आणि चांदी कमी रक्कम देऊन खरेदी करता येणार आहे.
गेल्या काही दिवसांपासून देशात सोन्याचा भाव कधी वाढतोय तर कधी कमी होताना दिसतोय. इराणचे युद्ध तसेच भारतीय बाजारातील चढउतार यामुळेच सोन्याच्या भावात सध्या चढउतार पाहायला मिळत आहे. आज सोन्याचा तसेच चांदीचा भाव घसरला आहे.
सोने आणि चांदीच्या भावात आज घसरण झाली आहे. चांदी एकाच दिवसात 16,600 रुपयांनी घसरली आहे. शुक्रवारी रात्री साडे अकरा वाजेपर्यंत कमोडिटी मार्केट बंद होईपर्यंत चांदीचा हा भाव 16,000 रुपयांपर्यंत घसरला होता.
सोन्याच्या भावातही 4000 रुपयांपर्यंत घसरण झाली होती. एमसीएक्सवर सोन्याचा भाव घसरल्यानंतर भारतीय सराफा बाजारातही सोनं आणि चांदीचा भाव कमी झाल्याचे पाहायला मिळाले. मल्टी कमोडिटी मार्केटवर सोन्याचा भाव 3947 रुपयांनी घसरून 1,55,600 रुपये प्रति 10 ग्रॅमपर्यंत कमी झाला.
तर चांदीचा भावही 16,595 रुपयांनी घसरून 2,48,201 रुपये प्रति किलोपर्यंत खाली आला. जागतिक बाजारातही सोन्याचा भाव 3.4 टक्क्यांनी कमी झाला आहे. दरम्यान, इराणच्या युद्धामुळे सोन्याच्या भावात ही घसरण झाल्याचे सांगितले जात आहे.
(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)
