90 च्या दशकातील सौंदर्य क्वीन, पण आता ओळखणंही झालं कठीण, निर्माते पैशांची बॅग घेऊन जायचे तिच्या घरी
90 च्या दशकातील सर्वात सुंदर अभिनेत्री, तिला चित्रपटात घेण्यासाठी निर्माते पैशांची बॅग घेऊन जायचे घरी, पण आता दिसते अशी की ओळखणंही झालं कठीण?
1990 साली प्रदर्शित झालेला आशिकी हा चित्रपट आणि त्यातील गाणी आजही प्रेक्षकांच्या मनात ताजी आहेत. या चित्रपटातून प्रसिद्धीच्या झोतात आलेली अभिनेत्री अनु अग्रवाल आपल्या निरागस सौंदर्यामुळे आणि आकर्षक व्यक्तिमत्त्वामुळे रातोरात स्टार बनली होती.
तिच्या मोठ्या काळ्या डोळ्यांनी आणि प्रभावी सौंदर्यामुळे ती त्या काळातील प्रेक्षकांची आवडती अभिनेत्री बनली होती. या चित्रपटानंतर अनु अग्रवाल काही इतर चित्रपटांमध्येही झळकली. मात्र, काही काळानंतर ती अचानक चित्रपटसृष्टीतून गायब झाली.
तिच्याबद्दल चाहत्यांमध्ये अनेक प्रश्न निर्माण झाले पण तिचा ठावठिकाणा कुणालाच लागला नाही. अलीकडे ती इंडियन आयडल या कार्यक्रमात दिसली आणि सर्वांनाच आश्चर्याचा धक्का बसला.
अनु अग्रवालचा 1999 साली भीषण अपघात झाला. यामध्ये ती गंभीर जखमी झाली आणि जवळपास एका महिन्यापर्यंत ती कोमामध्ये होती. तिच्यावर दीर्घकाळ उपचार चालले. या अपघातामुळे तिच्या चेहऱ्यावर गंभीर जखमा झाल्या आणि जबड्याला फ्रॅक्चर झाले.
शस्त्रक्रिया करूनही तिच्या चेहऱ्यात मोठा बदल झाला. अपघातानंतर बरी झाल्यावर अनु अग्रवालने चित्रपटसृष्टीपासून पूर्णपणे दूर जाण्याचा निर्णय घेतला. तिने योग शिक्षक म्हणून नवे आयुष्य सुरू केले. आज ती योग आणि आरोग्यदायी जीवनशैलीचा प्रसार करत आहे.
