IPL 2022 मेगा ऑक्शनमध्ये त्याला कोणी विकतही घेत नव्हतं, आता गोलंदाजांचा बनला काळ, एकट्याने चेन्नईला लोळवलं
IPL 2022 मध्ये गुजरात टायटन्सचं दमदार प्रदर्शन सुरु आहे. रविवारी कॅप्टन हार्दिक पंड्याच्या अनुपस्थितीतही या टीमने चेन्नई सुपर किंग्स सारख्या बलाढ्य संघाला पराभूत केलं.
IPL 2022 मध्ये गुजरात टायटन्सचं दमदार प्रदर्शन सुरु आहे. रविवारी कॅप्टन हार्दिक पंड्याच्या अनुपस्थितीतही या टीमने चेन्नई सुपर किंग्स सारख्या बलाढ्य संघाला पराभूत केलं.
गुजरातला विजयासाठी 170 धावांची गरज होती. 87 धावात त्यांनी पाच विकेट गमावल्या होत्या. पण त्यानंतर डेविड मिलरने संपूर्ण सामनाच फिरवला. त्याने 51 चेंडूत नाबाद 94 धावा फटकावल्या. एक चेंडू राखून गुजरात टायटन्सने हा सामना जिंकला.
गुजरात टायटन्सच्या या स्फोटक फलंदाजाने आठ चौकार आणि सहा षटकार लगावले. डेविड मिलरचा स्ट्राइक रेट 184 पेक्षा जास्त होता. मिलरने रविवारी रात्री राशिद खानसोबत मिळून 37 चेंडूत 70 धावांची भागीदारी केली. त्याने चेन्नईच्या तोंडातून अक्षरक्ष: विजय खेचून आणला.
काल रात्री किलर खेळी करणाऱ्या मिलरला आयपीएल 2022 मेगा ऑक्शनमध्ये खरेदीदार सुद्धा मिळत नव्हता. मिलरला पहिल्या फेरीमध्ये कुठल्याही संघाने विकत घेतलं नव्हतं.
दुसऱ्या फेरीत राजस्थान रॉयल्सने त्याला विकत घेण्याचा प्रयत्न केला. गुजरात टायटन्सची फ्रेंचायजी मैदानात उतरली. अखेर तीन कोटी रुपयांमध्ये त्याला विकत घेतलं.