अभिनेत्याच्या बहिणीच्या आलिशान रेस्टॉरंटवर हातोडा; कोट्यवधींचं नुकसान, भावूक होत म्हणाली..
अभिनेता शोएब इब्राहिमची बहीण आणि युट्यूबर सबा इब्राहिमला मोठा आर्थिक फटका बसला आहे. युट्यूब चॅनलवर व्लॉग पोस्ट करत तिने याबद्दलची माहिती दिली आहे. या व्लॉगमध्ये तिने रेस्टॉरंटची झलक दाखवली आहे.
'ससुराल सिमर का' या मालिकेतून घराघरात पोहोचलेली अभिनेत्री दीपिका कक्करची नणंद आणि युट्यूबर सबा इब्राहिम सध्या तिच्या खासगी आयुष्यात बऱ्याच समस्यांचा सामना करतेय. सबाला तिचा रेस्टॉरंट बंद करावा लागला आहे.
इराण- अमेरिका यांच्यातील युद्धाचे पडसाद जगभरात उमटत आहेत. यामुळे भारतातही एलपीजी सिलिंडरचा तुटवडा जाणवतोय. व्यावसायिक सिलिंडरवर निर्बंध आल्याने अनेक हॉटेल्स आणि रेस्टॉरंट्सना त्याचा फटका बसला आहे.
सबा इब्राहिमच्या रेस्टॉरंटलाही याचा मोठा फटका बसला आहे. यामुळे आर्थिक नुकसान सहन करावं लागतं असतानाच आता सबाच्या रेस्टॉरंटमध्ये उंदरांनी एसीचे वायर कुरतडले आहेत. यामुळे वैतागून तिने रेस्टॉरंट तोडून पुन्हा नव्याने बांधण्याचा निर्णय घेतला आहे.
सबा आणि तिचा पती खालिद नियाजने युट्यूबवर यासंदर्भातला नवीन व्लॉग पोस्ट केला आहे. यामध्ये रेस्टॉरंटमधील बांधकाम तोडताना दिसून येत आहे. "आम्हाला कोट्यवधी रुपयांचं नुकसान सहन करावं लागत आहे", असं ती यात म्हणतेय.
"आधीत सिलिंडरच्या तुटवड्यामुळे आम्हाला बरंच नुकसान सहन करावं लागलं होतं. त्यात आता या खर्चाची भर पडली आहे. एखाद्या गोष्टीला इतक्या प्रेमाने बांधल्यानंतर त्याची अशी अवस्था पाहून खूप वाईट वाटतंय", अशा शब्दांत ती व्यक्त झाली.
