तुझ्यामुळे साडी पण सुंदर दिसतेय, अभिनेत्रीचं सौंदर्य पाहून चाहते घायाळ, फोटोतील अभिनेत्री कोण?
निळ्या रंगाच्या साडीमधील ही अभिनेत्री कोण? जिच्या सौंदर्याने चाहत्यांना लावलंय प्रचंड वेड. मुलींमध्ये रंगली आहे तिच्या साडीची चर्चा.
छोट्या पडद्यावरील लोकप्रिय अभिनेत्री माधवी निमकरने तिचे खास पारंपरिक लुकमधील फोटो इन्स्टाग्रामवर चाहत्यांसाठी शेअर केले आहेत. ज्यामध्ये तिने निळ्या रंगाची चंदेरी काठ असलेली सुंदर पैठणी साडी परिधान केली आहे.
या फोटोत पैठणी साडीवर माधवीने मोजकेच पारंपरिक दागिने परिधान केले आहेत. हलका मेकअप आणि साध्या पण आकर्षक स्टाइलमुळे तिच्या सौंदर्यात आणखी भर पडली.
या लूकमधील फोटो शेअर करताना तिने ‘Wearing The Colour Of Dreams’ असे सुंदर कॅप्शन दिले आहे. तिच्या या पारंपरिक अंदाजावर चाहत्यांकडून कौतुकाचा वर्षाव होत आहे.
दरम्यान, माधवी सध्या ‘स्टार प्रवाह’ वाहिनीवरील ‘तुझ्या सोबतीने’ या मालिकेत झळकत आहे. या मालिकेत ती ‘तायडी’ ही मुख्य खलनायिकेची भूमिका साकारत असून, तिच्या दमदार अभिनयामुळे हे पात्र प्रेक्षकांच्या विशेष पसंतीस उतरले आहे.
अभिनयासोबतच माधवीने व्यवसाय क्षेत्रातही पाऊल ठेवले आहे. गेल्याच महिन्यात तिने ‘कल्याणमस्तु’ नावाने स्वतःचे नवीन हॉटेल सुरू केले. त्यामुळे सध्या अभिनयासोबतच तिच्या नव्या व्यवसायाचीही चर्चा रंगली आहे.
