मी त्याच्या प्रायव्हेट पार्टवर… अभिनेत्रीसोबत रेल्वे स्टेशनवर भयानक घडलं, स्वत: सांगितलं
छोट्या पडद्यावरील अतिशय लोकप्रिय मालिकेत काम करणाऱ्या एका अभिनेत्रीला मालाड रेल्वे स्थानकात एक धक्कादायक अनुभव आले. अभिनेत्रीने स्वत: एका मुलाखतीमध्ये याबाबत खुलासा केला आहे.
अभिनेत्री या त्यांच्या खासगी आयुष्यामुळे कायमच चर्चेत असतात. त्या उघडपणे अनेक मुलाखतींमध्ये त्यांच्यासोबत घडलेल्या गोष्टी सांगताना दिसतात. नुकताच मराठी मालिकेत काम करणाऱ्या एका अभिनेत्रीने तिच्यासोबत घडलेल्या धक्कादायक अनुभव सांगितला आहे. पण तिला कराटे येत असल्याचा मोठा फायदा झाला.
आम्ही मराठी अभिनेत्री प्राप्ती रेडकरविषयी बोलत आहोत. ती सध्या झी मराठी वाहिनीवर प्रसारित होणाऱ्या ‘सावळ्याची जणू सावली’ या मालिकेत काम करत आहे. या मालिकेमुळे ती प्रेक्षकांच्या घराघरात पोहोचली असून तिने यात ‘सावली’ची मुख्य भूमिका साकारली आहे. यापूर्वी तिने ‘काव्यांजली’ या मालिकेतही अभिनय केला होता. सोशल मीडियावरही ती सक्रिय राहते. मात्र, अभिनयासोबतच ती कराटेमध्येही पारंगत आहे. तिने ब्लॅक बेल्ट मिळवला असून कराटे चॅम्पियन असल्याचा फायदा तिला अनेकदा झाला आहे.
एका मुलाखतीत प्राप्तीने आपल्यासोबत घडलेला एक धक्कादायक प्रसंग सांगितला. ती म्हणाली, “मी शूटिंगसाठी ट्रेनने जाते. असे प्रकार तर रोजच होतात. कोणीतरी गर्दीत हात लावून जातो आणि लगेच समजतही नाही. एकदा मी मालाड स्टेशनवर होते आणि प्लॅटफॉर्मकडे जात होते. तेव्हा एका माणसाने मला स्पर्श केला. मला कळलेच नाही की तो कोण आहे."
पुढे ती म्हणाली, "माझ्यासोबत सेटवरील कॉस्च्युम डिपार्टमेंटचा एक मुलगा होता, पण तो घाबरून पळून गेला. मग मी त्या छेडछाड करणाऱ्या माणसाची कॉलर पकडली, त्याच्या डोक्यावर फोन फेकला आणि त्याच्या प्रायव्हेट पार्टवर मारले."
शेवटी ती म्हणाली की, "तो खाली पडला. ज्याने मला वाचवायचे होते, तोच पळाला. इथे किकबॉक्सिंगचा फारसा उपयोग झाला नाही.”
