नॅशनल क्रश गिरिजा ओकच्या नवीन साडी लुकने वेधलं सर्वांचं लक्ष, सौंदर्य आणि साडीची होतेय चर्चा
नॅशनल क्रश मराठी अभिनेत्री गिरिजा ओकचं नवीन साडीमध्ये सुंदर फोटोशूट. सोशल मीडियावर तिच्या साडीची होतेय प्रचंड चर्चा.
मराठी चित्रपटसृष्टीतील लोकप्रिय अभिनेत्री गिरीजा ओक सध्या तिच्या आगामी चित्रपटामुळे तसेच नव्या फोटोशूटमुळे चर्चेत आली आहे.
तिच्या नैसर्गिक अभिनयशैलीमुळे आणि आकर्षक व्यक्तिमत्त्वामुळे तिला अनेक चाहते ‘नॅशनल क्रश’ म्हणतात.अशातच आता गिरी ओके लवकरच ‘भारत भाग्य विधाता’ या बहुचर्चित बॉलिवूड चित्रपटात महत्त्वपूर्ण भूमिकेत दिसणार आहे.
चित्रपटाच्या चर्चेदरम्यानच गिरीजाने केलेले एक खास फोटोशूट सोशल मीडियावर लक्ष वेधून घेत आहे. या फोटोशूटमध्ये तिने पारंपरिक आणि आकर्षक अशा स्ट्राइप्स मुनिया पैठणी साडीची निवड केली आहे.
पैठणीच्या नाजूक आणि पारंपरिक डिझाइनमुळे तिचा लूक अधिक खुलून दिसत आहे. या साडीला साजेसा हलका आणि नैसर्गिक मेकअप करत गिरीजाने तिच्या सौंदर्याला चार चाँद लावले आहेत.
तसेच मोकळ्या केसांची साधी पण स्टायलिश हेअरस्टाईल निवडून तिने पारंपरिकतेसोबत आधुनिकतेचाही सुंदर संगम साधला आहे. तिच्या या मोहक आणि एलिगंट लूकचे फोटो सोशल मीडियावर मोठ्या प्रमाणात व्हायरल होत असून चाहत्यांकडून त्यावर भरभरून प्रतिक्रिया दिल्या जात आहेत.
