अंगारकी चतुर्थी निमित्त महाराष्ट्राच्या कानाकोपऱ्यातून भाविकांची गणपतीपुळ्यात मांदियाळी
आज ‘अंगारकी चतुर्थी’च्या निमित्ताने गणपतीपुळे मंदिरातील गणपतीची विशेष सजावट करण्यात आली आहे. अनेक भाविक या ठिकाणी बप्पाच्या भेटीला आले आहेत. अंगारकी निमित्त गणपतीपुळे येथे पहाटेपासून मंदिरात गर्दी पाहायला मिळत आहे.
आज ‘अंगारकी चतुर्थी’च्या गणपतीपुळे मंदिरातील गणपती बप्पाची चतुर्थी विशेष सजावट करण्यात आली आहे. अनेक भाविक या ठिकाणी बप्पाच्या भेटीला आले आहेत. अंगारकी निमित्त गणपतीपुळे येथे पहाटेपासून मंदिरात गर्दी पाहायला मिळाली.
अंगारकी निमित्त गणपतीपुळे येथे पहाटेपासून भाविकांची गर्दी झाली आहे. यावेळी कोरोनाचे कोणतेही नियम नसल्यामुळे भाविकांमध्ये समाधान दिसून येत आहे. बाप्पाच्या नावाचा जयघोष करत भाविक बाप्पा चरणी लीन होताना दिसत आहेत.
राज्याच्या कानकोपऱ्यातून भाविक सध्या गणपतीपुळे याठिकाणी दाखल झाले आहेत. जवळपास लाखभर भाविक अंगारकी चतुर्थी निमित्त गणपतीपुळे येते दाखल होतात. पण यावर्षी मात्र तुलनेने गर्दी कमी आहे. एसटीच्या कमी फेऱ्या ज सलग चार दिवस झालेल्या सुट्ट्या आणि गावोगावी सुरु असलेल्या यात्रा यामुळे अंगारकीला गणपतीपुलेला येणाऱ्या भाविकांची संख्या किमान 30 ते 40 हजारणे घटल्याचा अंदाज स्थानिक वर्तवतात.
पहाटे तीन वाजल्यापासून दर्शन रांगांमधून भाविक दर्शनासाठी येत आहेत. महाराष्ट्राच्या कानाकोपऱ्यातून भाविक गणपतीपुळ्यात दाखल झालेत. 2022 मध्ये अंगारकी चतुर्थी दोन वेळा येणार आहे. त्यातील ही पहिली अंगारकी आहे.
अंगारकी चतुर्थी 19 एप्रिल रोजी दुपारी 04:38 पासून सुरू होईल आणि 20 एप्रिल रोजी दुपारी 01:52 पर्यंत चालेल. चतुर्थीच्या उपवासात चंद्राला अर्घ्य देणे आवश्यक असल्याने चतुर्थी ज्या दिवशी रात्री येते त्याच दिवशी मानले जाते.